AI குரல் குளோனிங்கைப் பயன்படுத்தி செய்யும் ஆள்மாறாட்ட மோசடி குறித்து சைபர் கிரைம் போலீஸ் எச்சரிக்கை விடுத்துள்ளது.
சைபர் மோசடி செய்பவர், மேம்பட்ட செயற்கை நுண்ணறிவு தொழில் நுட்பத்தைப் பயன்படுத்தி, அவசர தொலைபேசி அழைப்புகளில் குடும்ப உறுப்பினர்கள் போன்ற நம்பகமான நபர்களின் குரல்களைப் பிரதிபலிக்கும் வகையில் குரல் குளோனிங்கைப் பயன்படுத்துகிறார்.
ஆள்மாறாட்டம் செய்து அப்பாவி மக்களை ஏமாற்றும் செயற்கை நுண்ணறிவு (AI) அடிப்படையிலான குரல் குளோனிங் குறித்து எச்சரிக்கையாக இருக்குமாறு தமிழ்நாடு காவல்துறையின் சைபர் கிரைம் பிரிவு சனிக்கிழமை எச்சரித்துள்ளது. தமிழக காவல்துறையின் சைபர் கிரைம் பிரிவு ஏடிஜிபி சஞ்சய் குமார் விடுத்துள்ள அறிவுரையில், மொபைல் போன்களில் வரும் தேவையற்ற அழைப்புகள் குறித்து எச்சரிக்கையாக இருக்குமாறு மக்களை கேட்டுக் கொண்டுள்ளார்.
மோசடி செய்பவர், தான் ஆள்மாறாட்டம் செய்யும் நபரின் குரலை குளோன் செய்ய அதிநவீன செயற்கை நுண்ணறிவு (AI) மென் பொருளைப் பயன்படுத்துகிறார். அதற்க்கு, ஆள்மாறாட்டம் செய்யப்படும் நபரின் குரல் மாதிரியை அவர்களின் சமூக ஊடக இடுகை/வீடியோக்கள் மூலம் பெறுகிறார்கள். இந்த தொழில் நுட்பம் பாதிக்கப்பட்டவரின் நம்பகமான தொடர்பின் குரல், உள்ளுணர்வு மற்றும் உணர்ச்சி நுணுக்கங்களை நம்பத்தகுந்த வகையில் பிரதிபலிக்கிறது. சுருக்கமாகச் சொன்னால், சைபர் குற்றங்களைச் செய்வதற்கு AI குரல் குளோனை உருவாக்கி பயன்படுத்துகிறது.
அவர்கள் அவசர உணர்வு மற்றும் நம்பிக்கையை ஏற்படுத்தியவுடன், மோசடிசெய்பவர் பாதிக்கப்பட்டவரை உடனடியாக பணத்தை மாற்றுமாறு கோருகிறார். பரிவர்த்தனையை விரைவுப்படுத்த யுனிஃபைட் பேமெண்ட்ஸ் இன்டர்ஃபேஸ் (யுபிஐ) போன்ற வேகமான மற்றும் வசதியான கட்டண முறைகளைப் பயன்படுத்துமாறு அவர் பரிந்துரைக்கின்றார்.
அக்கறையாலும், நேசிப்பவருக்கு உதவ வேண்டும் என்ற ஆர்வத்தாலும் பாதிக்கப்பட்டவர், அழைப்பாளரின் நம்பகத்தன்மையை சரிபார்க்காமல் மோசடி செய்பவரின் கோரிக்கைகளுக்கு இணங்குகிறார். நேரில் போய் பார்க்காமல் வெறும் குரலை மட்டுமே நம்பி பணத்தை செலுத்தாதீர்கள் என சைபர் கிரைம் பிரிவு ஏடிஜிபி சஞ்சய் குமார் எச்சரிக்கை விடுத்துள்ளது.
