சேலத்தில் சட்டவிரோதமாக குழந்தை விற்பனையில் ஈடுபட்ட ஆறு பேர் கொண்ட கும்பலை மாநகர கவல்துறையினர் அதிரடியாக கைது செய்தனர்.
சேலம் நரசோதிபட்டியில் உள்ள கார்த்தி நகரைச் சேர்ந்த ஆர். மோகன்ராஜ் (43), ஒரு நிதி நிறுவனத்தில் பணிபுரிந்து வந்தார். சமீபத்தில், அவரது நிறுவன அதிகாரிகள், மோகன்ராஜ் மீது, நிறுவனத்தின் பணத்தை முறைகேடாகப் பயன்படுத்தியதாக, ஷெவாப்பேட்டை போலீசில் புகார் அளித்தனர். வெள்ளிக்கிழமை போலீசார் அவரைக் கைது செய்து, அவரது மொபைல் போனைப் பறிமுதல் செய்தனர்.
அப்போது அவரது மொபைல்போனில், பச்சிளம் குழந்தைகள் போட்டோ அதிகம் இருந்தது. இதனால் சந்தேகமடைந்த போலீசார் தீவிர விசாரணை நடத்தினர். போலீசார் விசாரித்ததில், மோகன்ராஜ் தனது மனைவி எம். நாகசுதா (33) இடைத்தரகராகச் செயல்பட்டு, ஏழை மக்களிடமிருந்து புதிதாகப் பிறந்த குழந்தைகளை வாங்கி, கடந்த மூன்று ஆண்டுகளாக குழந்தை இல்லாத தம்பதிகளுக்கு விற்று வந்தது தெரிய வந்தது.
இதையடுத்து கைது செய்யப்பட்ட இருவருக்கும் ஈரோடு நாமக்கல் உள்ளிட்ட பல்வேறு பகுதிகளைச் சேர்ந்தவர்களுடன் தொடர்பு இருப்பதும் செல்போனில் குழந்தைகளின் புகைப்படங்கள் கோப்புகளாக வைக்கப்பட்டிருந்ததும் கண்டுபிடிக்கப்பட்டது. இதனைடுத்து ஸ்ரீதேவி, பர்வீன், பத்மாவதி, ஜனார்தனன் ஆகிய நான்கு பேரையும் பிடித்தனர்.
குழந்தையை விற்ற தாய், குழந்தையை வாங்கிய தம்பதியிடம் விசாரணை நடத்தி, குழந்தையை நேற்று முன்தினம் மீட்டனர். மோகன்ராஜ், மனைவி நாகசுதா, இவர்களுக்கு கூட்டாளிகளாக செயல்பட்டு வந்த, நாமக்கல் மாவட்டம் குமாரபாளையம் ஸ்ரீதேவி, 43, ஈரோடு பர்வீன் 42, பத்மாவதி,46, ஜனார்த்தனன் 38, ஆகியோரை போலீசார் கைது செய்தனர்.
குற்றம் சாட்டப்பட்ட நபர்கள் புதிதாகப் பிறந்த குழந்தைகளை ரூ.4 லட்சத்திற்கு வாங்கி, குழந்தைகளை ரூ.7 லட்சத்திற்கு விற்றதாக போலீஸ் வட்டாரங்கள் தெரிவித்தன. கடந்த மூன்று ஆண்டுகளில் அவர்கள் எத்தனை குழந்தைகளை விற்றார்கள் மற்றும் மோசடியில் ஈடுபட்ட நபர்கள் குறித்து மேலும் விசாரணைக்காக குற்றம் சாட்டப்பட்டவர்களை காவலில் எடுத்து விசாரணை மேற்கொண்டு வருகின்றனர். கைது செய்யப்பட்டவர்கள் மீது, ஏற்கனவே பல்வேறு வழக்குகல் நிழுவையில் இருப்பது குறிப்பிடத்தக்கது.
Read more: மூத்த குடிமக்களுக்கான இலவச ஆன்மிக பயணம் ஜூலை 18-ம் தேதி தொடக்கம்…!
