தபால் அலுவலகம் குடிமக்களுக்காக பல்வேறு வகையான சேமிப்புத் திட்டங்களைச் செயல்படுத்தி வருகிறது. வாடிக்கையாளர்கள் இவற்றில் முதலீடு செய்து பலன்களைப் பெறலாம். அந்த வகையில், பிரபலமான அஞ்சல் அலுவலகத் திட்டத்தில் முதலீடு செய்தால், ஒவ்வொரு மாதமும் உங்கள் கணக்கில் ரூ. 5,500 வந்து சேரும். அதுதான் மாதாந்திர வருமானத் திட்டம் (MIS). ஒவ்வொரு மாதமும் நிலையான வருமானம் விரும்புபவர்களுக்கு இந்தத் திட்டம் ஒரு சிறந்த தேர்வாகும். இது ஓய்வுபெற்ற மூத்த குடிமக்களுக்கு மிகவும் பயனுள்ளதாக இருக்கும். இதில் ஒருமுறை முதலீடு செய்தால், ஒவ்வொரு மாதமும் வட்டி வடிவில் வருமானம் பெறலாம். அப்படியானால், ஒவ்வொரு மாதமும் ரூ. 5,550 பெற எவ்வளவு முதலீடு செய்ய வேண்டும்? இந்தத் திட்டத்தின் பலன்கள் என்னென்ன என்பதைப் பற்றி தெரிந்துகொள்வோம்.
MIS திட்டத்தின் வட்டி விகிதம்: மாதாந்திர வருமானத் திட்டத்தில் முதலீடு செய்பவர்களுக்கு கவர்ச்சிகரமான வட்டி விகிதம் வழங்கப்படுகிறது. இதில் முதலீடு செய்பவர்களுக்கு ஆண்டுக்கு 7.4 சதவீதம் வட்டி விகிதம் பொருந்தும். இது மற்ற சேமிப்புத் திட்டங்களுடன் ஒப்பிடும்போது மிகவும் சிறந்தது. மேலும், அஞ்சல் அலுவலகத் திட்டங்களில் முதலீடு செய்யப்படும் ஒவ்வொரு ரூபாயும் பாதுகாப்பானது. இதனால், இதில் எந்தவித ஆபத்தும் இல்லை.
முதலீட்டு வரம்பு: இந்தத் திட்டத்தில் நீங்கள் முதலீடு செய்வதற்கு ஒரு வரம்பு உள்ளது. குறைந்தபட்சம் ரூ. 1000 செலுத்தி கணக்கைத் தொடங்கலாம். அதிகபட்சமாக ரூ. 9 லட்சம் வரை டெபாசிட் செய்யலாம். இருப்பினும், கூட்டு கணக்கு வைத்திருப்பவர்களுக்கு இந்த வரம்பு அதிகமாகும். இதில், முதலீட்டு வரம்பு ரூ. 15 லட்சம் ஆகும். ஒரு கூட்டு கணக்கில் மூன்று பேர் வரை சேரலாம். இருப்பினும், இந்தத் திட்டத்தில் நீங்கள் ஒரே நேரத்தில் முதலீடு செய்ய வேண்டும். நீங்கள் முதலீடு செய்யும் தொகையை ஒரே தவணையில் செலுத்த வேண்டும்.
இந்தத் திட்டத்தின் முதிர்வுக் காலம் 5 ஆண்டுகள். அதன் பிறகு, திட்டம் முதிர்ச்சியடைகிறது. டெபாசிட் செய்யப்பட்ட தொகைக்கு ஒவ்வொரு மாதமும் ஒரு நிலையான வட்டி விகிதத்தில் கணக்கில் வரவு வைக்கப்படும். முதிர்ச்சியடைந்த பிறகு, முழு முதலீட்டுத் தொகையையும் திரும்பப் பெறலாம். இந்தத் திட்டத்தில் எளிய வட்டி கணக்கிடப்படுவதால், ஒவ்வொரு மாதமும் உங்களுக்கு நிலையான வட்டி கிடைக்கும்.
கணக்கை முன்கூட்டியே மூட முடியுமா? அவசர காலங்களில், இந்த கணக்கை காலக்கெடுவுக்கு முன்பே மூட விரும்பினால், சில விதிகள் பொருந்தும். கணக்கு தொடங்கிய ஒரு வருடத்திற்குள் பணத்தை எடுக்க முடியாது. கணக்கு ஒரு வருடத்திற்குப் பிறகு, ஆனால் மூன்று ஆண்டுகளுக்குள் மூடப்பட்டால், அசல் தொகையிலிருந்து 2% அபராதம் கழிக்கப்படும். மூன்று முதல் ஐந்து ஆண்டுகளுக்குள் மூடப்பட்டால், 1% அபராதம் விதிக்கப்படும்.
மாதம் ரூ.5,550 சம்பாதிக்க வேண்டுமா? மாதம் ரூ.5,550 வருமானம் ஈட்ட, நீங்கள் MIS திட்டத்தில் ரூ.9 லட்சம் முதலீடு செய்ய வேண்டும். இந்த வட்டி முதலீட்டாளரின் சேமிப்புக் கணக்கில் நேரடியாக வரவு வைக்கப்படும். இருப்பினும், சேமிப்புக் கணக்கு இல்லாமல் இந்தத் திட்டத்தில் முதலீடு செய்வது சாத்தியமில்லை. விண்ணப்பதாரர்கள் அஞ்சல் அலுவலக சேமிப்புக் கணக்கு வைத்திருப்பவராக இருக்க வேண்டும்.
இல்லையென்றால், நீங்கள் முதலில் உங்களுக்கு அருகிலுள்ள தபால் அலுவலகத்திற்குச் சென்று ஒரு சேமிப்புக் கணக்கைத் தொடங்க வேண்டும்.
மொத்தத்தில், இந்தத் திட்டத்தில் நீங்கள் ரூ.9 லட்சம் முதலீடு செய்தால், ரூ.5,550 என்ற நிலையான வருமானத்துடன் முதிர்வு காலத்தில் ரூ.12,30,000 பெறுவீர்கள். இதன் மூலம் உங்களுக்கு ரூ.3,30,000 வருமானமாகக் கிடைக்கும். இருப்பினும், இந்தத் திட்டத்தில் முதலீடு செய்வதன் மூலம் ஈட்டப்படும் வட்டிக்கு வரி பொருந்தும்.
Read More : இனி அலைச்சல் கிடையாது..!! விண்ணப்பித்த சில மணி நேரத்தில் பயிர்க்கடன்..!! தமிழ்நாடு முழுவதும் அமல்..!!
