திருவண்ணாமலை மாவட்டத்தில் சுகாதாரத்துறையின் கீழ் உள்ள ஏராளமான காலிப்பணியிடங்களை நிரப்ப வேலைவாய்ப்பு அறிவிப்பு வெளியாகியுள்ளது.
பணியிட விவரம் மற்றும் சம்பளம்:
* யோகா மற்றும் இயற்கை மருத்துவ ஆலோசகர் பணியிடத்திற்கு 3 காலியிடங்கள் அறிவிக்கப்பட்டுள்ள நிலையில், தேர்வு செய்யப்படுபவர்களுக்கு மாதம் ரூ.40,000 சம்பளம் வழங்கப்படும்.
* உதவியாளர் / பல்நோக்கு பணியாளர் பதவிக்கு 34 காலியிடங்கள் உள்ளன. இப்பதவிக்கு மாதம் ரூ.8,950 சம்பளமாக வழங்கப்படும்.
* பார்மசி பதவிக்கு 1 காலியிடம் அறிவிக்கப்பட்டு, மாதம் ரூ.15,000 சம்பளம் வழங்கப்படுகிறது.
* நர்சிங் தெரபிஸ்ட் பதவிக்கு 26 காலியிடங்கள் உள்ளன. இப்பணிக்கு மாதம் ரூ.13,000 சம்பளம் வழங்கப்படும்.
* பல் மருத்துவர் பதவிக்கு 2 காலியிடங்கள் அறிவிக்கப்பட்டுள்ள நிலையில், தேர்வாகுபவர்களுக்கு மாதம் ரூ.34,000 சம்பளம் நிர்ணயிக்கப்பட்டுள்ளது.
* பல் மருத்துவ உதவியாளர் பதவிக்கு 2 காலியிடங்கள் உள்ளன. இதற்கு மாதம் ரூ.13,800 சம்பளம் வழங்கப்படும்.
* முதுநிலை சிகிச்சை மேற்பார்வையாளர் பதவிக்கு 2 காலியிடங்கள் அறிவிக்கப்பட்டுள்ளன. இப்பதவிக்கான சம்பள விவரம் பின்னர் அறிவிக்கப்படும் என தெரிவிக்கப்பட்டுள்ளது.
* மேலும், ICTC ஆலோசகர் பதவிக்கு 9 காலியிடங்கள் அறிவிக்கப்பட்டு, மாதம் ரூ.18,000 சம்பளம் வழங்கப்படும்.
கல்வித்தகுதி:
- ஆலோசகர் பதவிக்கு யோகா மற்றும் இயற்கை மருத்துவத்திற்கான BNYS முடித்திருக்க வேண்டும்.
- உதவியாளர் பதவிக்கு 8ஆம் வகுப்பு தகுதிப் பெற்றிருக்க வேண்டும்.
- பார்மசிஸ்ட் பதவிக்கு ஆயுஷ் பார்மசிஸ்ட் டிப்ளமோ முடித்திருக்க வேண்டும்.
- நர்சிங் தெரபிஸ்ட் பதவிக்கு அதற்கான டிப்ளமோ முடித்திருக்க வேண்டும்.
- பல் மருத்துவர் பதவிக்கு BDS முடித்திருக்க வேண்டும்.
- பல் மருத்துவ உதவியாளர் பதவிக்கு 10-ம் வகுப்பு தேர்ச்சியுடன், பல் மருத்துவ டெக்னீஷியன் சான்றிதழ் படிப்பை முடித்திருக்க வேண்டும்.
- முதுநிலை சிகிச்சை மேற்பார்வையாளர் பதவிக்கு மேல்நிலை பள்ளிப் படிப்பு இளங்கலை பட்டப்படிப்பு அல்லது சுகாதார ஆய்வாளர் படிப்பை முடித்திருக்க வேண்டும்.
- ICTC ஆலோசகர் பதவிக்கு உளவியல், சமூகப் பணி, சமூகவியல், மனுடவியல், மனித மேம்பாடு அல்லது நர்சிங் டிப்ளமோவில் 3 ஆண்டு அனுபவம் பெற்றிருக்க வேண்டும்.
தேர்வு செய்யப்படும் முறை: காலிப்பணியிடங்களுக்கு ஏற்ப நேர்காணல் மூலம் தேர்வு செய்யப்படுவார்கள் என எதிர்பார்க்கப்படுகிறது.
எப்படி விண்ணப்பிப்பது? திருவண்ணாமலை மாவட்டத்தில் உள்ள இப்பணியிடங்களுக்கு https://tiruvannamalai.nic.in/ என்ற இணையதளத்தில் உள்ள விண்ணப்பப்படிவத்தைக் கொண்டு தபால் மூலமாகவோ அல்லது நேரடியாகவோ அனுப்பி விண்ணப்பிக்கலாம்.
முகவரி: செயல்பாட்டு செயலாளர்/ மாவட்ட சுகாதார அலுவலர்,
மாவட்ட நலவாழ்வு சங்கம்,
மாவட்ட சுகாதார அலுவலர் அலுவலகம்,
பழைய அரசு மருத்துவமனை வளாகம், செங்கம் சாலை,
திருவண்ணாமலை.
விண்ணப்பிக்க கடைசி நாள்: 22.12.2025 மாலை 5 மணி வரை.
Read more: இரத்த அழுத்தம் முதல் நீரிழிவு நோய் வரை.. பல நோய்களுக்கு இந்த காய்கறி தான் ஒரே தீர்வு..!
