ஆஸ்திரேலியாவின் 31வது டெஸ்ட் கேப்டனான பிரையன் பூத் தனது 89வது வயதில் இன்று காலமானார். பிரையன் பூத் ஐந்து டெஸ்ட்களில் சதங்களை அடித்துள்ளார். 1960-களின் முற்பகுதி முழுவதும் ஆஸ்திரேலியாவின் பேட்டிங் வரிசையில் முக்கிய வீரராக இருந்தார் பிரையன் பூத். மிடில்-ஆர்டர் பேட்டரான பூத், 1962 இல் இங்கிலாந்துக்கு எதிரான முதல் டெஸ்டில் சதம் அடித்தார். இவர் 1,773 டெஸ்ட் ரன்களை எடுத்தார். மேலும் 1956 மெல்போர்ன் ஒலிம்பிக்கில் ஹாக்கியிலும் ஆஸ்திரேலியாவைப் பிரதிநிதித்துவப்படுத்தினார்.
பிரையன் பூத் மறைவு குறித்து ட்விட்டரில் பதிவிட்டிருந்த ஆஸ்திரேலியா கிரிக்கெட் அணி “முன்னாள் டெஸ்ட் கேப்டனான பிரையன் பூத் இழப்பால் ஆஸ்திரேலியா கிரிக்கெட் இன்று இரங்கல் தெரிவித்துள்ளது. எங்கள் எண்ணங்கள் 89 வயதான அவரது குடும்பத்துடன் உள்ளன, அவர் மிகவும் விரும்பப்பட்ட மிடில் ஆர்டர் பேட்டராக மட்டுமல்லாமல், ஹாக்கியில் ஒலிம்பிக்கில் ஆஸ்திரேலியாவைப் பிரதிநிதித்துவப்படுத்தியவர். அவர் நிம்மதியாக ஓய்வெடுக்கட்டும்” என்று பதிவிட்டிருந்தது.
