வீடு தோறும் சமையல் அறையில் இருக்கும் முக்கியமான பொருள் வெங்காயம். வெங்காயம் இல்லாமல் சமையல் இல்லை என்று சொல்லும் அளவிற்கு வெங்காயம் மிக முக்கியத்துவம் வாய்ந்தது. ஆனால், அந்த வெங்காயத்தில் இருக்கும் சின்னச் சின்ன குறைகள் நம் ஆரோக்கியத்திற்கே வேட்டுவைத்து விடும் என்பது உங்களுக்கு தெரியுமா? வெங்காயத்தில் காணப்படும் கருப்புப் புள்ளி மற்றும் கருப்பு கோடுகளால் நமக்கு ஏற்படும் தீங்குகள் குறித்து இந்தப் பதிவில் பார்ப்போம்.
வெங்காயத்தை உரித்து நறுக்கும்போது அதன் உட்புறத்தின் சில பகுதிகளில் கரும்புள்ளிகள் இருப்பதை சில சமயம் நீங்கள் பார்த்திருக்கக் கூடும். சிலர் அதை வெட்டி அகற்றி விடுவார்கள். சிலரோ, அதை தண்ணீரில் நன்கு கழுவி விட்டு சமையலுக்குப் பயன்படுத்துவார்கள். ஆனால், பலருக்கும் வெங்காயத்தில் காணப்படும் இந்தக் கரும்புள்ளிகள் என்னவென்று தெரியாது. அதேபோல அதை சாப்பிடுவதால் ஏற்படும் தீமைகள் குறித்தும் பலருக்கும் தெரியாது.
உண்மையில் கரும்புள்ளிகள் காணப்படும் வெங்காயத்தைக் கண்டால் கவனமாக இருக்க வேண்டும். ஏனெனில், இது உடல் நலத்திற்கு நல்லதல்ல. வெங்காயத்தின் தோலிலும் உள்ளேயும் காணப்படும் கருப்பு புள்ளிகள் ஒரு வகை பூஞ்சை. இது ஆஸ்பெர்ஜிலஸ் நைகர் என்று அழைக்கப்படுகிறது. இந்த பூஞ்சை ஆபத்தானது அல்ல என்றாலும், இதில் கவனம் செலுத்துவது அவசியம்.
வெப்பநிலையில் ஏற்படும் மாற்றம் வெங்காயத்தில் பூஞ்சை உருவாக காரணமாகிறது. இது வாந்தி, குமட்டல், தலைவலி, வயிற்று வலி, பூஞ்சை தொற்று அல்லது ஒவ்வாமை எதிர்வினைகள் போன்ற உடல்நலப் பிரச்சினைகளை ஏற்படுத்தும். வெங்காயத்தை உரித்த பிறகு, அதை நன்கு கழுவி, சமையலுக்குப் பயன்படுத்துவதற்கு முன்பு அனைத்து அச்சுகளும் நீங்கிவிட்டதா என்பதை உறுதிப்படுத்திக் கொள்ளுங்கள். வெங்காயத்தில் அதிகப்படியான பூஞ்சை இருந்தால், கழுவிய பின் உரிக்கப்படாவிட்டால், அவற்றை அப்புறப்படுத்துவது நல்லது. ஏனெனில், சமைப்பதற்கு ஏற்ப நுண்ணுயிரிகள் நச்சுத்தன்மையுள்ள துணைப் பொருட்களை உருவாக்கக்கூடும்.
Readmore: ‘ நன்றியில்லாதவர்; நான் இல்லையென்றால் டிரம்ப் தேர்தலில் தோற்றிருப்பார்’!. எலோன் மஸ்க் அதிரடி!
