முட்டையில் அதிக சத்துக்கள் நிறைந்துள்ளதால், பள்ளிகளில் சத்துணவு தொடங்கி பெரும் பணக்காரரின் காலை உணவு வரை முக்கிய பங்கு வகிக்கிறது. முட்டைகளில் உள்ள வைட்டமின் ஏ, வைட்டமின் பி -12 மற்றும் செலினியம் ஆகியவை நோய் எதிர்ப்பு மண்டலத்தை ஆரோக்கியமாக வைத்திருக்கும். தினமும் முட்டை சாப்பிடுவதால் அதில் உள்ள வைட்டமின்கள் கண் நோய் ஏற்படாமல் தடுக்கிறது.
ஆனால், முட்டையை அளவுக்கு அதிகமாக சாப்பிட்டு வந்தால் டைப் 2 சர்க்கரை நோயை அதிகப்படுத்துவதற்கான வாய்ப்புகள் அதிகம் என ஆய்வுகள் தகவல் தெரிவிக்கின்றன. ஒரு நாளைக்கு 2 முட்டைகள் சாப்பிடுவது நல்லது. குறிப்பாக டைப் 2 சர்க்கரை நோய் உள்ளவர்கள் முட்டையை தவிர்ப்பது நல்லது. முட்டையுடன் பச்சை அல்லது மஞ்சள் நிற குடைமிளகாயை சேர்த்து சமைத்துச் சாப்பிடலாம். இதில் உள்ள வைட்டமின் சி, கொழுப்பைக் குறைக்க உதவும்.
