பாகிஸ்தானில் உள்ள ஜகோபாபாத் அருகே தண்டவாளத்தில் ஏற்பட்ட குண்டுவெடிப்பு காரணமாக அந்த வழியாக சென்ற ஜாஃபர் ரயில் தடம் புரண்டது. இந்த சம்பவம் பலுசிஸ்தான் வழியாக ரயில் பயணத்தின் பாதுகாப்பு குறித்து மீண்டும் கேள்விகளை எழுப்பியது.
பெஷாவரில் இருந்து குவெட்டாவுக்கு ரயில் சென்று கொண்டிருந்தபோது குண்டுவெடிப்பு காரணமாக தண்டவாளத்தில் விரிசல் ஏற்பட்டது. இந்த வெடிப்பு மூன்று அடி அகலமான பள்ளத்தை உருவாக்கி, கிட்டத்தட்ட 6 அடி ரயில் பாதையை அழித்ததாக கூறப்படுகிறது. இந்த தாக்கம் மிகவும் கடுமையானதாக இருந்ததால், ரயில் தடம் புரண்டு, சக்கரங்கள் தண்டவாளத்திலிருந்து தூக்கி எறியப்பட்டன. இதனால் ரயில் திடீரென நின்றது.
இதுவரை எந்த உயிரிழப்பும் ஏற்படவில்லை என்றாலும், பல பயணிகள் காயமடைந்ததாக கூறப்படுகிறது.. மீட்பு மற்றும் நிவாரணக் குழுக்கள் சம்பவ இடத்திற்கு விரைந்து சென்று காயமடைந்தவர்களை மீட்டு, பின்னர் அருகிலுள்ள மருத்துவமனைகளுக்கு சிகிச்சைக்காக கொண்டு செல்லப்பட்டனர்.
இந்த சம்பவம் மீண்டும் ஜகோபாபாத்-குவெட்டா ரயில் பாதையின் பாதுகாப்பு குறித்த கேள்வியை எழுப்பி உள்ளது. குவெட்டா ரயில் பாதை முழுவதுமே நீண்ட காலமாக தாக்குதல்கள் மற்றும் அமைதியின்மையால் பாதிக்கப்பட்டுள்ளது. குறிப்பாக ஜாஃபர் எக்ஸ்பிரஸ், சமீபத்திய ஆண்டுகளில் பலமுறை குறிவைக்கப்பட்டுள்ளது, பலூசிஸ்தான் ரயில் பயணிகளுக்கு நிலையற்ற அதிக ஆபத்துள்ள பகுதியாக இது கருதப்படுகிறது.
பலூசிஸ்தான் மாகாணம் பிரிவினைவாத கிளர்ச்சி, தொடர்ச்சியான வன்முறை மற்றும் இராணுவத்துடன் ஆழமாக வேரூன்றிய பதட்டங்களை எதிர்கொண்டு வருகிறது. இந்த காரணிகள் போக்குவரத்து உள்கட்டமைப்பை, குறிப்பாக ரயில்வே – போராளி நடவடிக்கைகளுக்கு அடிக்கடி இலக்காக ஆக்கியுள்ளன.
ரயில் கடத்தல் சம்பவம்
கடந்த மார்ச் மாதம், பலூச் விடுதலை இராணுவம் (BLA) இதே ஜாஃபர் எக்ஸ்பிரஸை கடத்தியது. அந்த நேரத்தில், சுமார் 350 பயணிகள் அதில் இருந்தனர். ரயிலை விடுவிக்க ஒரு பெரிய இராணுவ நடவடிக்கை தொடங்கப்பட்டது, இதன் விளைவாக கடுமையான மோதல்கள் ஏற்பட்டன.
கடத்தலுக்கு BLA பொறுப்பேற்றது.. 100 க்கும் மேற்பட்ட பாகிஸ்தான் வீரர்களைக் கொன்றதாகக் கூறப்படுகிறது. இருப்பினும், ஒருவழியாக கடத்தப்பட்ட ரயிலை பாகிஸ்தான் ராணுவம் மீட்டது. மீட்பு முயற்சியில் 35 பணயக்கைதிகள் இறந்ததை பாகிஸ்தான் இராணுவம் உறுதிப்படுத்தியது.
Read More : இதுவரை 585 பேர் பலி.. உச்சகட்டத்தை எட்டும் இஸ்ரேல் – ஈரான் மோதல்..!!
