தகவல் தொடர்பு நிறுவங்களான ஜியோ மற்றும் ஏர்டெல் புதிய புதிய ரீசார்ஜ் பிளான்களை போட்டி போட்டுக்கொண்டு வெளியிட்டு வருகிறது. 5ஜி தொழில்நுட்பத்தை நோக்கி ஓடிக்கொண்டிருக்கும் சமயத்தில், இந்த இரண்டு நிறுவங்களுக்கும் ஈடு கொடுக்கும் விதமாக BSNL புதிய ஒரு பிளானை அறிமுகம் செய்துள்ளது.
5ஜி ஓட்டத்தில் தகவல் தொடர்பு நிறுவனங்கள் ரீசார்ஜ் பிளான்களின் விலையையும் சரமாரியாக ஏற்றி வருகின்றன. ரூ.100-க்கு கீழ் பிளான் இல்லை எனும் நிலையில், 87 ரூபாய்க்கு ஒரு புதிய பிளானை பி.எஸ்.என்.எல். நிறுவனம் அறிமுகப்படுத்தியுள்ளது. இந்த 87 ரூபாய் திட்டத்தின் கீழ் பயனர்களுக்கு தினசரி 1 ஜிபி டேட்டா, வரம்பற்ற குரல் அழைப்புகள் 14 நாட்களுக்கு கிடைக்கும். அதன்படி, இந்த திட்டம் உங்களுக்கு மொத்தம் 14 ஜிபி டேட்டவை வழங்கும். டேட்டா லிமிட் முடிந்த பிறகு, இன்டர்நெட்டின் வேகம் 40Kbps ஆக குறைக்கப்படும். இது தவிர, இந்த திட்டத்தில் ஒரு நல்ல விஷயம் என்னவென்றால், இந்த திட்டம் பயனர்களுக்கு ரூ.100-க்கும் குறைவான எஸ்எம்எஸ் வசதியை வழங்குகிறது. அத்துடன் இந்த திட்டத்தில் கூடுதலாக நீங்கள் ONE97 கம்யூனிகேஷன்ஸ் ஹார்டி கேம்ஸ் மொபைல் சேவையை பெறுவீர்கள்.
இப்போதுள்ள நிலையில், வெறும் அழைப்பு மற்றும் குறைந்த டேட்டா உள்ள பிளான் இருந்தால் போதும் என்று நினைப்பவர்களுக்கு தனியாக பிளான் கிடைப்பதில்லை. அவர்களுக்கு இது கச்சிதமாகப் பொருந்தும். சென்னை மற்றும் தமிழ்நாடு பி.எஸ்.என்.எல். வட்டத்திற்கு இது தற்போது செயலில் உள்ளது. விருப்பம் உள்ளவர்கள், https://www.bsnl.co.in/ இணையதளத்திலும், கூகுள் பே, போன்பே உள்ளிட்ட செயலிகள் மூலமாகவும் ரீச்சார்ஜ் செய்து கொள்ளலாம்
