மகாராஷ்டிரா தலைநகரான மும்பையில் 64 வயது மூதாட்டி கற்பழிக்கப்பட்டு நிர்வாண நிலையில் சாலையில் வீசப்பட்ட சம்பவம் அதிர்ச்சியையும் பதற்றத்தையும் ஏற்படுத்தியிருக்கிறது. இது தொடர்பாக மீட்கப்பட்ட மூதாட்டி மருத்துவமனையில் சிகிச்சை பெற்று வருகிறார். இந்த சம்பவம் தொடர்பாக 38 வயது நபர் கைது செய்யப்பட்டு அவரிடம் விசாரணை நடைபெற்று வருகிறது.
மும்பையின் மகாராஷ்டிரா நகர் பகுதியைச் சேர்ந்த 64 வயது மூதாட்டி தனது பக்கத்து வீட்டைச் சார்ந்த 38 வயது இளைஞரால் கற்பழிக்கப்பட்டுள்ளார். மேலும் அந்த இளைஞர் மூதாட்டியை வன்கொடுமை செய்ததாக தெரிகிறது. இதனைத் தொடர்ந்து மூதாட்டியை நிர்வாண நிலையில் தனது வீட்டிலிருந்து வெளியே வீசி இருக்கிறார். இந்த சம்பவத்தில் படுகாயமடைந்த மூதாட்டியை சாலையில் செல்பவர்கள் மீட்டு மருத்துவமனையில் அனுமதித்துள்ளனர்.
இதனையடுத்து சம்பவம் தொடர்பாக காவல் நிலையத்தில் மூதாட்டி புகார் அளித்துள்ளார். அந்தப் புகாரில் தனது பக்கத்து வீட்டைச் சார்ந்த உமேஷ் தக் என்ற நபர் தன்னை பாலியல் வன்கொடுமை செய்ததாகவும் அவரிடம் இருந்து தப்பிச்செல்ல முயன்றபோது தன்னுடைய மறைவான உறுப்புகளில் தாக்கியதாகவும் தெரிவித்திருக்கிறார். இதனைத் தொடர்ந்து கற்பழிப்பு வழக்கு பதிவு செய்த காவல்துறையினர் அந்த நபரை கைது செய்து விசாரித்து வருகின்றனர்.
