பணியாளர் தேர்வாணையம் (SSC), ஒருங்கிணைந்த பட்டதாரி நிலை (CGL) தேர்வு 2023க்கான ஆன்லைன் பதிவு செயல்முறையைத் தொடங்கியுள்ளது. விண்ணப்பதாரர்கள் தங்கள் விண்ணப்பப் படிவங்களை SSC இன் அதிகாரப்பூர்வ இணையதளமான ssc.nic.in இல் மே 3 அல்லது அதற்கு முன் சமர்ப்பிக்கலாம். விண்ணப்ப திருத்த சாளரம் மே 7 முதல் மே 8 வரை திறந்திருக்கும்.
SSC CGL நிலை I 2023 கணினி அடிப்படையிலான தேர்வு (CBT) தற்காலிகமாக ஜூலை 14 முதல் ஜூலை 27 வரை நடத்தப்படும். அதேசமயம், நிலை II தேர்வின் அதிகாரப்பூர்வ தேதி, பின்னர் அறிவிக்கப்படும். இந்த ஆட்சேர்ப்புத் தேர்வின் மூலம், சுமார் 7,500 தற்காலிக காலியிடங்கள் இந்த ஆண்டு அறிவிக்கப்படும்.
கல்வித் தகுதி: விண்ணப்பிக்கும் விண்ணப்பதாரர்கள் அங்கீகரிக்கப்பட்ட பல்கலைக்கழகத்தில் இளங்கலைப் பட்டம் பெற்றிருக்க வேண்டும்..
விண்ணப்பிப்பதற்கான படிகள்
- படி 1: SSC இன் அதிகாரப்பூர்வ வலைத்தளமான ssc.nic.in க்குச் செல்லவும்.
- படி 2: பிரதான தளத்தில், registration link இணைப்பைக் கிளிக் செய்யவும்.
- படி 3: பின்னர் போர்ட்டலில் உள்நுழைந்து SSC CGL 2023 தேர்வுக்கு விண்ணப்பிக்கவும்.
- படி 4: செயல்முறையை முடிக்க, தேவையான அனைத்து ஆவணங்களையும் பதிவேற்றி, அத்தியாவசியக் கட்டணத்தைச் செலுத்தி, படிவத்தைச் சமர்ப்பிக்கவும்.
- படி 5: படிவத்தை சேமித்து பதிவிறக்கவும்.
- படி 6: உறுதிப்படுத்தல் பக்கத்தை எதிர்கால தேவைக்கு ப்ரிண்ட் அவுட் எடுத்துக்கொள்ளுங்கள்..
விண்ணப்பக் கட்டணம் : விண்ணப்பதாரர்கள் படிவத்தை பூர்த்தி செய்யும் போது விண்ணப்பக் கட்டணமாக ரூ.100 செலுத்த வேண்டும். பெண்கள், SC, ST, PwD மற்றும் ESM விண்ணப்பதாரர்கள் கட்டணம் எதுவும் செலுத்த வேண்டியதில்லை. மேலும், தேவையான ஆன்லைன் கட்டணத்தை விண்ணப்பதாரர்கள் மே 4 வரை செலுத்தலாம்.
தேர்வு முறை : ஒருங்கிணைந்த பட்டதாரி நிலை தேர்வு -I மற்றும் நிலை தேர்வு -II என இரண்டு அடுக்குகளில் நடத்தப்படும். நிலை-II தேர்வில் மட்டுமே விண்ணப்பதாரர்களின் ஒட்டுமொத்த செயல்திறனை அடிப்படையாகக் கொண்டு ஒரு தகுதி பட்டியல் தயாரிக்கப்படும் என்பது குறிப்பிடத்தக்கது. ஒருங்கிணைந்த பட்டதாரி நிலைத் தேர்வு 2023, இந்திய அரசின் பல்வேறு துறைகள் / அமைச்சகங்கள் / அமைப்புகள் மற்றும் பிற அரசியலமைப்பு அமைப்புகள் / சட்டப்பூர்வ அமைப்புகள் / தீர்ப்பாயங்களில் பல குரூப் ‘பி’ மற்றும் குரூப் ‘சி’ காலியிடங்களை நிரப்புவதற்காக பணியாளர் தேர்வாணையத்தால் நடத்தப்படுகிறது.
