தேனி மாவட்டம் டி கல்லுப்பட்டி பகுதியைச் சேர்ந்தவர் பெருமாள். கூலித்தொழிலாளியான இவரின் மனைவி செல்வி. 45 வயதான அவர் நேற்று முன்தினம் புல் அறுப்பதற்காக வடபுதுப்பட்டி அழகர் கோயில் கருட பகுதிக்குச் சென்றுள்ளார். காலையில் புல்லறுக்க சென்றவர் இரவு ஆகியும் வீடு திரும்பவில்லை. இதனால், அல்லிநகரம் போலீசில் சென்று உறவினர்கள் புகாரளிக்க போலீசார் தேடி வந்த போது புல் அறுக்கும் இடத்தில் தலையில் வெட்டு காயத்துடன் சடலமாக கிடந்துள்ளார் செல்வி. அவரின் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்த போலீசார், கொலையாளி குறித்து விசாரணை நடத்தி வந்தனர்.
அப்போதுதான் செல்விக்கும் சருத்துப்பட்டி நடுத்தெருவைச் சேர்ந்த இருளப்பன் (60) என்பவருக்கும் கள்ளத்தொடர்பு இருந்து வந்துள்ளது. இருவருக்கும் இடையே 4 ஆண்டுகளாக கள்ள உறவு இருந்து வந்துள்ளது. இதன் பின்னர் போலீசார் இருளப்பனை பிடித்து விசாரித்துள்ளனர். அப்போதுதான் தனக்கு காச நோய் பாதிப்பு வந்து விட்டதால் தன்னுடன் பேசுவதை செல்வி மறுத்துவிட்டார் . தன்னுடன் பழகுவதையும் நிறுத்தி விட்டார். இதனால் ஆத்திரம் அடைந்து கட்டையால் அடித்து அவரை கொலை செய்து விட்டேன் என்று வாக்குமூலம் அளித்துள்ளார். இருளப்பன் அளித்த வாக்குமூலத்தின் படி காவல்துறையினர் அவரை கைது செய்தனர்.
