கள்ளக்குறிச்சி மாவட்டத்தில் இருக்கின்ற ரிஷிவந்தியம் அரசு மேல்நிலை பள்ளி அருகே பயணிகள் நிழற்குடை ஒன்று உள்ளது. அந்த நிழற்குடைக்கு பின்னால் கழிவுநீர் கால்வாய் ஒன்று இருக்கிறது.
அந்த கழிவு நீர் கால்வாயில் சுமார் 35 வயது மதிக்கத்தக்க வாலிபர் ஒருவர் சடலமாக கிடந்துள்ளார், இதனை கண்டு அதிர்ச்சி அடைந்த பொதுமக்கள் உடனடியாக காவல்துறையினருக்கு தகவல் கொடுத்தனர்.
அந்த தகவலின் அடிப்படையில், சம்பவ இடத்திற்கு விரைந்து வந்த காவல் துறையினர் அந்த வாலிபரின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். இது தொடர்பாக வழக்கு பதிவு செய்த காவல்துறையினர், அந்த வாலிபர் யார் அவர் எந்த ஊரை சேர்ந்தவர் எப்படி உயிரிழந்தார் என்று பல்வேறு விதத்தில், விசாரணை நடத்தி வருகின்றனர்.
