பெரம்பலூர் மாவட்டம் வேப்பந்தட்டை அடுத்து இருக்கும் இனாம் அகரம் கிராமத்தை உள்ளவர் கார்த்திகேயன். இவர் கூலி வேலை பார்த்து வருகிறார். இவருக்கு, கடந்த மூன்று வருடங்களுங்கு முன் கடலூர் மாவட்டம் பெண்ணாடம் செங்கமேட்டை சேர்ந்த மதியழகி (23) என்பவருடன் திருமணம் நடந்தது. இவர்களுக்கு ஒன்றரை வயதில் ஒரு ஆண் குழந்தை உள்ளது.
இந்த நிலையில், கார்த்திகேயனுக்கும் அவரது மனைவிக்கும் இடையே அடிக்கடி சண்டை ஏற்பட்டுள்ளது. இதனால் மதியழகி மனவருத்தத்தில் இருந்து வந்துள்ளார். நேற்று முன்தினம் வீட்டில் தனியாக இருந்த போது, மதியழகி அவரது உடலில் மண்ணெண்ணையை ஊற்றிக் கொண்டு தீக்குளித்தார். இதில் பலத்த தீக்காயமடைந்த நிலையில், அவரை பக்கத்திலுள்ளவர்கள் மீட்டு பெரம்பலூர் அரசு மருத்துவமனையில் சிகிச்சைக்காக சேர்த்தனர்.
அதன் பிறகு மேல் சிகிச்சைக்காக திருச்சி அரசு மருத்துவமனைக்கு கொண்டு செல்லப்பட்டார். அங்கு சிகிச்சை பலனின்றி மதியழகி பரிதாபமாக உயிரிழந்தார். இந்த சம்பவம் குறித்து மதியழகியின் பெற்றோர் அளித்த புகாரின் அடிப்படையில் வி.களத்தூர் காவல்துறையினர் வழக்குப்பதிவு செய்து விசாரணை செய்து வருகின்றனர். மேலும், திருமணமான மூன்று வருடங்களில் மதியழகி தற்கொலை செய்து கொண்டதால் இந்த சம்பவம் குறித்து பெரம்பலூர் வருவாய் கோட்டாட்சியர் விசாரணை செய்து வருகிறார்.
