சென்னையில் தங்கம் விலை சவரனுக்கு ரூ.352 உயர்ந்து ரூ.45,760க்கு விற்பனையாகிறது..
உக்ரைன் – ரஷ்யா போர் உள்ளிட்ட பல காரணங்களால் சர்வதேச அளவில் பொருளாதார அச்சுறுத்தல்கள் ஏற்பட்டுள்ளது.. கச்சா எண்ணெய், தங்கம் ஆகியவற்றின் விலை உயர்ந்து கொண்டே வருகிறது.. பங்குச்சந்தைகள் சரிந்து வருகின்றன.. பாதுகாப்பு கருதி பல முதலீட்டாளர்கள் பங்குச்சந்தையில் இருந்து பணத்தை எடுத்து தங்கத்தில் முதலீடு செய்து வருகின்றனர்.. இதனால் தங்கத்தின் தேவை அதிகரித்துள்ளது.. இதனால் தங்கம் விலை உயர்வதும், பின்பு குறைவதும் என்ற நிலையே நீடித்து வருகிறது..
இந்த நிலையில் இன்று தங்கம் மற்றும் வெள்ளியின் விலை இன்று வரலாறு காணாத அளவுக்கு உயர்ந்துள்ளது.. அதன்படி சென்னையில் 22 கேரட் ஆபரண தங்கத்தின் விலை ஒரு கிராமுக்கு ரூ. 44 உயர்ந்து ரூ.5,720-க்கு விற்பனை செய்யப்படுகிறது.. இதனால் தங்கம் விலை சவரனுக்கு ரூ.352 உயர்ந்து ரூ.45,760-க்கு விற்பனையாகிறது.. இதே போல் வெள்ளியின் விலையும் இன்று அதிரடியாக உயர்ந்துள்ளது.. ஒரு கிராம் வெள்ளியின் விலை ரூ.1.20 உயர்ந்து ரூ.83க்கு விற்பனை செய்யப்படுகிறது..
மார்ச் 20ல் ஒரு சவரன் தங்கம் விலை, ரூ.44,640 ஆக இருந்தது.. பின்னர் மார்ச் 31-ல் ஒரு சவரன் தங்கம் ரூ.44,720க்கு விற்பனையானது.. ஏப்ரல் 5-ம் தேதி புதிய உச்சமாக ரூ. ரூ.45,520க்கு விற்கப்பட்டது.. இந்த நிலையில் தமிழ் புத்தாண்டு தினமான இன்று புதிய உச்சமாக ஒரு சவரன் தங்கம் விலை ரூ.45,720க்கு விற்பனை செய்யப்படுகிறது. இதனால் நகைப்பிரியர்கள் கடும் அதிர்ச்சி அடைந்துள்ளனர்..
