திருவள்ளூர் மாவட்ட பகுதியில் மோனிஷ்(17), திருமுல்லைவாயிலில் உள்ள தனியார் கல்லூரியில் மெக்கானிக்கல் மூன்றாம் ஆண்டு படித்து வருகிறார்.
சென்ற வியாழக்கிழமை அன்று, கல்லூரியில் வகுப்பறையின் உள்ளே செல்போன் பயன்படுத்தியதற்காக கல்லூரி நிர்வாகம் செல்போனை பறிமுதல் செய்தது.
இந்த நிலையில், இன்று கல்லூரிக்கு சென்ற அவர் செல்போனை திரும்ப கேட்டு கல்லூரி நிர்வாகத்திடம் பெரும் வாக்குவாதத்தில் ஈடுபட்ட போதும், செல்போன் தர மறுத்து விட்டார்கள். இதனால் மன உளைச்சல் ஏற்பட்டு , கல்லூரியின் சுவர் ஏறி குதித்து ஆவடி ரயில் நிலையத்திற்கு சென்றுள்ளார்.
இந்த நிலையில் அங்கே திருப்பதியிலிருந்து சென்னை செல்ல கூடிய சப்தகிரி ரயில் வந்தபோது அதில் பாய்ந்து தற்கொலை செய்து கொண்டார் அந்த வாலிபர் . இது குறித்து வழக்குப்பதிவு செய்து, சடலத்தை கைப்பற்றி போலீசார் விசாரணை மேற்கொண்டு வருகின்றனர்.
