தமிழகத்தில் பல்வேறு துறைகளில் பல்வேறு காலகட்டங்களில் பல அதிரடி மாற்றங்கள் அரசாங்கத்தால் கொண்டுவரப்பட்டிருக்கிறது. அந்த அதிரடி மாற்றங்கள் மக்களுக்கு பல சிரமங்களை குறைத்து இருக்கிறது என்று தான் சொல்ல வேண்டும்.
அந்த வகையில், தமிழகத்தில் தற்போது பத்திரப்பதிவில் புதிய தொழில்நுட்பங்களை பயன்படுத்தும் விதமாக ஸ்டார் 3.0 மென்பொருள் தயாரிக்கும் பணிக்கு தமிழக அரசு அரசாணை வெளியிட்டு இருக்கிறது. தமிழகத்தில் சொத்து பரிமாற்றங்கள் குறித்த பத்திரப்பதிவு பணிகள் தற்சமயம் ஸ்டார் 2.0 என்ற மென்பொருள் மூலமாக முன்னெடுக்கப்பட்டு வருகின்ற சூழ்நிலையில், செயற்கை நுண்ணறிவு மற்றும் மிஷின் லேர்னிங் போன்ற அதிநவீன தொழில்நுட்பங்கள் பயன்படுத்தப்படும் விதமாக ஸ்டார் 3.0 மென்பொருள் தயாரிக்கப்படும் என்று பதிவுத்துறை அமைச்சர் தெரிவித்திருக்கிறார். அதன்படி 323 கோடி ரூபாய் ஸ்டார் 3.0 மென்பொருள் தயாரித்து எதிர்வரும் வருடத்தில் அமல்படுத்தும் பணிக்கான அரசாணை தற்போது வெளியிடப்பட்டிருக்கிறது.
