பி.எட் மாணவர் சேர்க்கைக்கு செப்டம்பர் 11 வரை ஆன்லைன் மூலம் விண்ணப்பிக்கலாம் என கல்லூரிக் கல்வி இயக்குநர் கீதா தெரிவித்துள்ளார்.
இது குறித்து அவர் தனது செய்தி குறிப்பில்; தமிழ்நாட்டில் உள்ள அரசு மற்றும் அரசு உதவிபெறும் கல்வியியல் கல்லூரிகளில் உள்ள பி.எட் முதலாம் ஆண்டில் மாணவர்கள் சேர்க்கைக்கான (2023-2024) விண்ணப்பங்களை https://www.tngasa.in என்ற இணையதள முகவரியில் பதிவு செய்யலாம். விண்ணப்பம் பதிவு செய்ய விண்ணப்பக் கட்டணமாக ரூ.500 செலுத்த வேண்டும் எனவும், எஸ்சி, எஸ்டி விண்ணப்பதாரர்கள் கட்டணமாக 250 செலுத்தினால் போதுமானது.
மாணவர்கள் விண்ணப்பிக்கும்போது தங்களது விருப்ப வரிசைப்படி கல்லூரிகளை தேர்வு செய்தல் வேண்டும். மேலும், கூடுதல் விபரங்கள் மற்றும் எந்தெந்த கல்லூரிகளில் என்னென்ன பாடப்பிரிவுகள், சேர்க்கை எண்ணிக்கை விவரங்கள் https://www.tngasa.in என்ற இணையதள முகவரியில் தெரிந்து கொள்ளலாம். விண்ணப்பக் கட்டணத்தை விண்ணப்பதாரர்கள் டெபிட் கார்டு, கிரெடிட் கார்டு, யுபிஐ மற்றும் நெட் பேங்கிங் மூலமாகவும் செலுத்தலாம். மேலும், விபரங்களை பெறுவதற்கு 93634 62070, 9363462007, 93634 62042, 93634 62024 ஆகிய எண்ணில் தொடர்பு கொள்ளலாம்.
