ஆசிய கோப்பை மற்றும் ஐசிசி உலகக் கோப்பை தொடர்களை ஹாட்ஸ்டார் தளத்தில் இலவசமாக பார்க்கலாம் என அறிவிக்கப்பட்டுள்ளது.
நடப்பாண்டு ஐபிஎல் போட்டிகளை ஜியோ சினிமா ஆப்பில் இலவசமாக ஒளிபரப்பு செய்யப்பட்ட நிலையில், எதிர்வரும் ஆசியக்கோப்பை மற்றும் ஒருநாள் உலக்கோப்பை போட்டிகளை ஹாட்ஸ்டார் தளத்தில் இலவசமாக ஒளிபரப்பு செய்ய உள்ளதாக அறிவிப்பு வெளியாகியுள்ளது. எனவே, நடப்பாண்டுக்கான ஆசிய கோப்பை மற்றும் ஐசிசி உலகக் கோப்பை தொடர்களை டிஸ்னி+ ஹாட்ஸ்டார் தளத்தில் இலவசமாக பார்க்கலாம் என அந்நிறுவனம் அறிவித்துள்ளது. இந்த சலுகை மொபைல் பயனாளர்களுக்கு மட்டுமே பொருந்தும் எனவும் தெரிவிக்கப்பட்டுள்ளது.
ஐபிஎல் 2023ஐ இலவசமாக ஸ்ட்ரீமிங் செய்து ஜியோ சினிமா மாபெரும் வெற்றியைப் கண்ட பிறகு, டிஸ்னி+ ஹாட்ஸ்டார் ஆசிய கோப்பை மற்றும் ஐசிசி ஆண்கள் கிரிக்கெட் உலகக் கோப்பை போட்டிகளை மொபைல் போன்களில் இலவசமாக ஸ்ட்ரீம் செய்ய முடிவு செய்துள்ளது. இந்த முடிவு கிரிக்கெட் விளையாட்டை ஜனநாயகப்படுத்துவதையும், இந்தியாவில் உள்ள பல மொபைல் பயனர்களுக்கு அதை அணுகுவதையும் நோக்கமாகக் கொண்டுள்ளது என்று நிறுவனம் கூறியுள்ளது.
ஐபிஎல் 2023 ஜியோ சினிமாவில் இலவசமாக ஒளிபரப்பட்டு முடிவடைந்த நிலையில், தற்போது டிஸ்னி+ ஹாட்ஸ்டாரில் இலவசமாக ஒளிபரப்படும் ஐசிசி உலக டெஸ்ட் சாம்பியஷிப் இறுதிப் போட்டி தொடங்கிய பிறகு, பயனர்கள் மீண்டும் ஹாட்ஸ்டாரை நோக்கி படையெடுத்துள்ளனர். இந்த நிலையில், ஆசியக்கோப்பை மற்றும் 50 ஓவர் உலக்கோப்பை போட்டிகளை ஹாட்ஸ்டாரில் மொபைல் பயனர்கள் இலவசம் பார்க்கலாம் என அதிரடியான அறிவிப்பை வெளியிட்டுள்ளது.
ஐபிஎல் 2023 (இந்தியன் பிரீமியர் லீக்) போது ஜியோ சினிமா இலவச ஸ்ட்ரீமிங்கை வழங்கியது. சென்னை சூப்பர் கிங்ஸ் மற்றும் குஜராத் டைட்டன்ஸ் இடையேயான ஐபிஎல் இறுதிப் போட்டியை 3.2 கோடிக்கும் அதிகமான பார்வையாளர்கள் நேரலை-ஸ்ட்ரீம் செய்யப்பட்ட நிகழ்வை ஒரே நேரத்தில் பார்வையிட்டதற்கான உலக சாதனையை OTT தளம் முறியடித்தது. ஐபிஎல் கிரிக்கெட் போட்டிகள் இலவசமாக ஸ்ட்ரீம் செய்யப்பட்டது இதுவே முதல் முறையாகும். மேலும் ஜியோ சினிமா ஐபிஎல் ஸ்ட்ரீமிங் உரிமையைப் பெற்ற உடனேயே இந்த சாதனை நிகழ்ந்துள்ளது.
