தமிழ்நாட்டில் நடப்பு கல்வி ஆண்டில் 11ஆம் வகுப்பு மாணவர்களுக்கு மார்ச் 4ஆம் தேதியும், 12ஆம் வகுப்பு மாணவர்களுக்கு மார்ச் 1ஆம் தேதியும் பொதுத்தேர்வு நடைபெறும் என அறிவிக்கப்பட்டுள்ளது. அதனைப் போல 11 மற்றும் 12ஆம் வகுப்பு மாணவர்களுக்கு செய்முறை தேர்வுகளும் பிப்ரவரி மாதம் நடைபெற உள்ளதாக தெரிவிக்கப்பட்டுள்ளது.
இந்நிலையில், 11 மற்றும் 12ஆம் வகுப்பு மாணவர்களுக்கு பாடவாரியாக அகமதிப்பீட்டு மதிப்பெண்கள் வழங்கப்படுவது தொடர்பாக முக்கிய அறிவிப்பு வெளியிடப்பட்டுள்ளது. அதன்படி மாணவர்கள் வருகை பதிவேட்டுக்கு இரண்டு மதிப்பெண்கள், உள்நிலை தேர்வுகளுக்கு நான்கு மதிப்பெண்கள் வழங்கப்படும் என தெரிவிக்கப்பட்டுள்ளது.
அதேபோல் ஒப்படைவு அல்லது செயல்திட்டம் அல்லது கள பயணத்திற்கு அதிகபட்சம் இரண்டு மதிப்பெண்கள், கல்வியினை செயல்பாடுகளுக்கு இரண்டு மதிப்பெண்கள் மற்றும் தொழில் கல்வி செய்முறை பாடத்திற்கான அகமதிப்பீட்டிற்கு 25 மதிப்பெண்கள் வழங்க வேண்டும் என்று தெரிவிக்கப்பட்டுள்ளது.
