நாடு முழுவதும் கொரோனா பாதிப்பு அதிகரித்து வரும் நிலையில், பச்சிளம் குழந்தைகள் மற்றும் குழந்தைகள் கொரோனாவால் அதிகம் பாதிக்கப்படுவது தெரியவந்துள்ளது.. அதிக காய்ச்சல் மற்றும் இருமல் இருப்பதாக மருத்துவர்கள் தெரிவித்துள்ளனர். உலக சுகாதார அமைப்பின் தடுப்பூசி பாதுகாப்பு அமைப்பின் உறுப்பினர், டாக்டர் விபின் வசிஷ்தா இதுகுறித்து பேசிய போது “ 6-11 மாத வயதுடைய குழந்தைகளிடையே கொரோனா பாதிப்பு ஏற்பட்ட போது, பெரும்பாலான குழந்தைகளுக்கு மூச்சுக்குழாய் அழற்சியின் அம்சங்களுடன் மிதமான காய்ச்சல், சளி மற்றும் லேசான இருமல் உள்ளது. ஒரு வித்தியாசமான அம்சம் கண் அரிப்பு மற்றும் வெண்படல அழற்சி.. இது முந்தைய அலைகளில் காணப்படவில்லை..” என்று தெரிவித்தார்..
தொற்றுநோய் தொடங்கியதிலிருந்து பெரும்பாலான சந்தர்ப்பங்களில் குழந்தைகளில் கோவிட்-19 நோய்த்தொற்றுகள் அரிதானவை மற்றும் லேசானவை. இருப்பினும், வைரஸால் பாதிக்கப்பட்ட சிலரின் உடல் பாகங்கள் வீக்கம் அடைந்தது.. இதில் நுரையீரல், மூளை, இதயம், சிறுநீரகம், தோல், கண்கள் அல்லது இரைப்பை குடல் உறுப்புகள் அடங்கும்..” என்று தெரிவித்தார்..
குருகிராமில் உள்ள ஃபோர்டிஸ் நினைவு ஆராய்ச்சி நிறுவனத்தின் குழந்தை மருத்துவ துறையின் இயக்குநரும் தலைவருமான டாக்டர் கிரிஷன் சுக் இதுகுறித்து பேசிய போது “குழந்தைகளிடையே கோவிட் பாதிப்பு அதிகரித்து வருகிறது. சாதாரண சுவாச நோய்த்தொற்றுகளுடன் கொண்டு வரப்படும் குழந்தைகளுக்கு பின்னர் கொரோனா பாதிப்பு உறுதி செய்யப்படுகிறது.. பள்ளி செல்லும் குழந்தைகள் ” கடந்த இரண்டு வாரங்களில் காய்ச்சல் மற்றும் தொண்டை வலியால் அதிகளவில் பாதிக்கப்பட்டுள்ளனர். எனினும் தீவிர பாதிப்பு காரணமாக குழந்தைகள் மருத்துவமனையில் அனுமதிக்கப்படவில்லை.” என்று தெரிவித்தார்..
