பெங்காலி நடிகை சோனாலி சக்ரவர்த்தி நீண்டகாலமாக உடல் நலக்குறைவால் கொல்கத்தாவில் உள்ள தனியார் மருத்துவமனையில் சிகிச்சை பெற்று வந்த நிலையில் காலமானார். அவருக்கு வயது 59. அவருக்கு இரண்டு மகள்கள் உள்ளனர்.
பெங்காலி தொலைக்காட்சியில் நன்கு அறியப்பட்ட முகமான சக்ரவர்த்தி, கல்லீரல் பிரச்சனைகளால் அவதிப்பட்டு வந்தார். பல மாதங்களாக மருத்துவமனையில் சிகிச்சை பெற்று வந்தார். சோலங்கி ராய் மற்றும் கவுரப் சட்டர்ஜி ஆகியோர் முன்னணியில் இருந்த பிரபல பெங்காலி நிகழ்ச்சியான காட்சோராவில் சோனாலி ஒரு பகுதியாக இருந்தார்.
சோனாலியும் அவரது கணவர் ஷங்கர் சக்ரவர்த்தியும் பல பெங்காலி தொலைக்காட்சி நிகழ்ச்சிகள் மற்றும் திரைப்படங்களில் இணைந்து பணியாற்றியுள்ளனர். அவர்கள் பல நிகழ்ச்சிகளில் தொகுப்பாளர்களாகவும் பணியாற்றினர். தாதர் கீர்த்தி (1980), ஹர் ஜீத் (2002) மற்றும் பந்தன் (2004) போன்ற படங்களில் படங்களில் நடித்து பிரபலமானவர். நடிகை மறைவுக்கு முதல்வர் மம்தா பானர்ஜி ஆழ்ந்த இரங்கலைத் தெரிவித்துள்ளார்.
