இந்த டிஜிட்டல் அத்தியாவசிய பணிகளுக்காக ஆன்லைன் பணப்பரிமாற்றத்தை மக்கள் அதிகமாக பயன்படுத்துகின்றனர்.. இதன் மக்கள் எளிதாக பணம் செலுத்த முடியும் என்றாலும் பல்வேறு சைபர் மோசடிகளும் தொடர்ந்து அரங்கேறி வருகின்றனர்.. அந்த வகையில் சைபர் கிரைமினல்கள் சிம் டூப்ளிகேஷன்/குளோனிங் நுட்பங்களைப் பயன்படுத்தி மக்களின் பணத்தை ஏமாற்றி வருகின்றனர். இந்த நுட்பத்தின் மூலம், ஒரு முறை கடவுச்சொற்களை (OTP) அணுகுவது உட்பட, உங்கள் சிம்-இணைக்கப்பட்ட செயல்பாடுகள் அனைத்தையும் மோசடி செய்பவர்கள் கட்டுப்படுத்த முடியும்…
சிம் டூப்ளிகேஷன்/சிம் ஸ்வாப் என்றால் என்ன? சிம் டூப்ளிகேஷன் அல்லது சிம் ஸ்வாப்பின் கீழ், சைபர் குற்றவாளிகள், உங்கள் எண்ணுக்கான புதிய சிம் கார்டைப் பெறுகிறார்கள். ஃபிஷிங், விஷிங், ஸ்மிஷிங் அல்லது வேறு ஏதேனும் மோசடி வழிகளைப் பயன்படுத்தி உங்கள் தனிப்பட்ட தரவைச் சேகரிக்கிறார்கள். சில சமயங்களில், அவர்கள் பாதிக்கப்பட்டவர்களை அழைத்து, உங்களின் சிம் செயலிழக்கப்படும் அல்லது வங்கிக் கணக்குகளில் இருந்து இணைப்பு துண்டிக்கப்படும் போன்ற தகவல்களை தெரிவிக்கின்றனர்.. இதனால் பயந்து போகும் மக்கள் தங்கள் சிம்கார்டின் பின்பறம் அச்சிடப்பட்டுள்ள உள்ள 16-இலக்க/20-இலக்க வரிசை எண்ணை தெரிவிக்கின்றனர்..
அனைத்து விவரங்களையும் பெற்றவுடன், உண்மையான சிம் கார்டை செயலிழக்க வைக்க சைபர் குற்றவாளிகள் தொலைத்தொடர்பு சேவை வழங்குநர்களை அழைக்கிறார்கள்.. பின்னர் போலி அடையாளச் சான்றுடன் மொபைல் ஆபரேட்டரின் சில்லறை விற்பனை நிலையத்திற்குச் செல்கிறார்கள். மொபைல் ஆபரேட்டர் உண்மையான சிம் கார்டை செயலிழக்கச் செய்து, மோசடி செய்பவருக்கு புதிய ஒன்றை வழங்குகிறார். இந்த புதிய சிம் கார்டின் உதவியுடன், ஒரு முறை கடவுச்சொல் (OTP) மற்றும் வங்கிக் கணக்குகள் மூலம் நிதி பரிவர்த்தனை செய்வதற்குத் தேவையான தகவல்களை பெறுகின்றனர்.. இதன் மூலம் லட்சக்கணக்கான பணத்தை அவர்கள் ஆன்லைனிலேயே திருடுகின்றனர்.. சிம் கார்டு செயலிழக்கப்பட்டதால் தங்களின் வங்கிக் கணக்குகளை சரிபார்க்கும் வரை, பாதிக்கப்பட்டவர்களுக்கு இந்த மோசடி நடைபெற்றது என்பதே தெரியாது.
சிம் பரிமாற்ற மோசடியில் இருந்து உங்களை எவ்வாறு பாதுகாத்துக் கொள்வது?
- ஏற்கனவே உள்ள சிம்மைப் புதுப்பிப்பதாகக் கூறி உங்கள் சிம் விவரங்களைக் கேட்கும் தகவல்தொடர்புக்கு பதிலளிக்க வேண்டாம். உங்கள் ஃபோனின் நிச்சயமற்ற செயல்பாட்டை நீங்கள் எதிர்கொண்டால், உங்கள் மொபைல் ஆபரேட்டருடன் சரிபார்க்கவும்.
- உங்கள் மொபைல் எண் நீண்ட காலத்திற்கு வேலை செய்வதை நிறுத்தியிருந்தால், உங்கள் மொபைல் ஆபரேட்டரை தொடர்பு கொண்டு, நீங்கள் மோசடிக்கு ஆளாகவில்லை என்பதை உறுதிப்படுத்திக் கொள்ளுங்கள்.
- உங்கள் பரிவர்த்தனைகளை கண்காணிக்க உங்கள் வங்கி அறிக்கைகளை தொடர்ந்து கண்காணிக்கவும்.
- OTP, CVV, அட்டை எண் போன்ற முக்கியமான தகவல்களை யாருடனும் பகிர வேண்டாம்.
- வங்கியால் உங்களுக்கு வழங்கப்பட்ட அம்சத்தைப் பயன்படுத்தி உங்கள் கிரெடிட் கார்டுகளில் வெளிநாட்டு பரிவர்த்தனைகள் போன்ற தேவையற்ற பரிவர்த்தனைகளைக் கட்டுப்படுத்துங்கள்.
