பிக் பாஸ் சீசன் 6 நிகழ்ச்சி சென்ற ஞாயிற்றுக்கிழமை முடிவடைந்தது இந்த போட்டி 21 போட்டியாளர்களுடன் ஆரம்பமானது. இந்த நிலையில், இந்த போட்டியின் இறுதி கட்ட போட்டியாளர்களாக அசிம் மற்றும் விக்ரமன் உள்ளிட்டோர் இருந்தனர்.
கடைசி 2 போட்டியாளர்களாக விக்ரமன் மற்றும் அசிம் உள்ளிட்டோர் இருந்த நிலையில் அந்த போட்டியின் இறுதி நாளில் அசின் இந்த போட்டியை வென்றதாக அறிவித்தார்.இதனால் மேடையிலேயே அசின் சந்தோஷத்தில் துள்ளி குதித்தார். அவருக்கு 50 லட்சம் ரூபாய் பரிசு தொகையும் மற்றும் 16 லட்சம் ரூபாய் மதிப்புள்ள ஒரு காரும் பரிசாக வழங்கப்பட்டது.
இந்த நிலையில், தற்சமயம் அவர் தனக்கு ஆதரவாக இருந்த ரசிகர்களுக்கு நன்றி தெரிவித்து ஒரு வீடியோவை வெளியிட்டுள்ளார். அதோடு, அவர் ஒரு முக்கிய அறிவிப்பையும் வெளியிட்டு இருக்கிறார்.
பிக்பாஸ் நிகழ்ச்சியில் கிடைத்த பரிசு தொகையில் பாதியை நோய் தொற்றால் பெற்றோரை இழந்த குழந்தைகளின் படிப்புக்காக செலவிடப் போகின்றேன் என்று தெரிவித்திருக்கிறார் பிக்பாஸ் வெற்றியாளர் அசிம்.
