10 மற்றும் 12-ம் வகுப்பு மாணவர்களுக்கான பொதுத் தேர்வு பட்டியலை சி.பி.எஸ்.இ பள்ளிகள் இயக்குநரகம் வெளியிட்டுள்ளது.
சிபிஎஸ்இ 10-ம் வகுப்பு மாணவர்களுக்கு பிப்ரவரி 15-ம் தேதி பொதுத்தேர்வு தொடங்கி மார்ச் 21-ம் தேதி வரையும், 12-ம் வகுப்பு மாணவர்களுக்கு பிப்ரவரி 15-ம் தேதி பொதுத்தேர்வு தொடங்கி ஏப்ரல் 12-ம் தேதி வரையும் தேர்வுகள் நடைபெறும். காலை 10.30 மணிக்குத் தேர்வு தொடங்கி நண்பகல் 1.30 மணிக்கு நிறைவடையும். தேர்வு முடிவுகள் மே மாத இறுதியில் வெளியிடப்படும். மேலும் தேர்வு தேதிகள் குறித்த அறிவிப்பை cbse.nic.in என்ற இணையதளத்தில் பார்த்து தெரிந்து கொள்ளலாம்.
செய்முறைத் தேர்வுகளை ஜனவரி 2-ம் தேதி முதல் தொடங்கவும், செய்முறைத் தேர்வுகள், தேர்வு மதிப்பீடுகள் மற்றும் அக மதிப்பீடுகளை பிப்ரவரி 14-ம் தேதிக்குள் நடத்தி முடிக்க வேண்டும். செய்முறைத் தேர்வுகளில் மாணவர்கள் கலந்து கொள்ளாதபட்சத்தில், Absent என குறிப்பிட வேண்டும். தவிர்க்க முடியாத சூழல் காரணமாக மாணவர் தேர்வில் கலந்து கொள்ளத் தவறினால் சி.பி.எஸ்.இ இயக்குநரகம் அறிவிக்கும் தேதியில் மறுதேர்வு நடத்த வேண்டும்.
