ராஜஸ்தான் மற்றும் குஜராத்தில் 3,000க்கும் மேற்பட்ட கால்நடைகள் கட்டி தோல் நோயால் இறந்துள்ளன. ராஜஸ்தானில், ஒன்பது மாவட்டங்களில் வைரஸ் தொற்று உறுதி செய்யப்பட்டுள்ளது.. பார்மர், ஜலோர், ஜோத்பூர், பிகானர், பாலி, கங்காநகர், நாகௌர், சியோரி மற்றும் ஜெய்சால்மர் ஆகிய பகுதிகளில் மொத்தம் 2,500 கால்நடைகள் இறந்துள்ளன. கடந்த மாதம், குஜராத்தில் 977 கால்நடைகள் இந்த நோயால் உயிரிழந்ததாக அம்மாநில விவசாய அமைச்சர் கூறினார். கட்டி தோல் நோய் தொடர்பாக ராஜஸ்தான் மற்றும் குஜராத் ஆகிய இரு மாநிலங்களில் முன்னெச்சரிக்கை நடவடிக்கைகள் மேற்கொள்ளப்பட்டு வருகின்றன..
கட்டி தோல் நோய் என்றால் என்ன..? எல்.எஸ்.டி என்று அழைக்கப்படும் இந்த நோய், கேப்ரிபோக்ஸ் வைரஸ் இனத்தைச் சேர்ந்த பாக்ஸ்விரிடே குடும்பத்தைச் சேர்ந்த வைரஸால் ஏற்படுகிறது. அறிகுறிகளின் அடிப்படையில் சிகிச்சை அளிக்கப்படும் இந்த நோய்க்கு தடுப்பூசி இல்லை.
மனிதர்கள் பாதிக்கப்டுவார்களா.? இந்த நோய் கால்நடைகள் ற்றும் நீர் எருமை (Bubalus bubalis) ஆகியவற்றுக்கு மட்டுமே நோயை ஏற்படுத்துகிறது. எனவே மனிதர்கள் நோயால் பாதிக்கப்பட முடியாது.
எவ்வாறு பரவுகிறது..? கட்டி தோல் நோய் இரத்தம் உறிஞ்சும் பூச்சிகள், சில வகையான ஈக்கள் மற்றும் அசுத்தமான உணவு மற்றும் நீர் மூலம் பரவுகிறது. இது கடுமையான காய்ச்சல், கண்கள் மற்றும் மூக்கில் இருந்து நீர் வெளியேற்றம், உமிழ்நீர், உடல் முழுவதும் மென்மையான கொப்புளம் போன்ற முடிச்சுகள், சாப்பிடுவதில் சிரமம் ஆகிய அறிகுறிகளை ஏற்படுத்துகிறது. தொற்றுநோய்க்கான இறப்பு விகிதம் 1.5 சதவீதம் ஆகும்..
இதனிடையே ராஜஸ்தான் கால்நடை பராமரிப்புத் துறையின் மூத்த அதிகாரி ஒருவர் கூறுகையில், “வைரஸ் நோயால் 2,500க்கும் மேற்பட்ட கால்நடைத் தலைகள் இறந்த நிலையில், 50,000க்கும் அதிகமான கால்நடைகள் பாதிக்கப்பட்டுள்ளன. வைரஸ் தொற்று ஏற்கனவே ஒன்பது மாவட்டங்களுக்கு பரவியுள்ளது..
கட்டி தோல் நோயால் கால்நடைகள் இறப்பது அதிகரித்து வரும் நிலையில், நிலைமையை ஆய்வு செய்ய, இந்த வாரம் ராஜஸ்தானின் ஜோத்பூர் மற்றும் நாகௌர் ஆகிய இடங்களுக்கு விஞ்ஞானிகள் மற்றும் கால்நடை மருத்துவர்கள் குழு வருகை தந்தது. இந்த குழு கங்காநகர், ஹனுமன்கர், பிகானேர், ஜலோர், பார்மர், ஜெய்சல்மர், பாலி மற்றும் சிரோஹி ஆகிய இடங்களுக்கும் செல்லும் என்று மூத்த அதிகாரிகள் உறுதிப்படுத்தினர்.
துங்கர்பூர், பன்ஸ்வாரா, உதய்பூர், ராஜ்சமந்த் மற்றும் குஜராத் எல்லையை ஒட்டியுள்ள மாவட்டங்களில் எச்சரிக்கை விடுக்கப்பட்டுள்ளது. ராஜஸ்தான் மற்றும் அண்டை மாநிலங்களில் இருந்து வரும் வாகனங்களை சோதனை செய்வதை வலியுறுத்தியதால், தொற்றுநோய் பரவலை எதிர்த்துப் போராடுவதற்கான முயற்சிகளை குஜராத் தீவிரப்படுத்தியுள்ளது. “சௌராஷ்டிரா பிராந்தியத்தின் அனைத்து மாவட்டங்கள், கட்ச் மற்றும் இப்போது பனஸ்கந்தா உட்பட 14 மாவட்டங்களில் வைரஸ் பரவியுள்ளது.
