மகாராஷ்டிரா மாநில பகுதியில் உள்ள தானே நகரின் தண்ணீர் தொட்டியில் திங்கள்கிழமை அன்று மிகவும் அழுகிய நிலையில் ஆண் ஒருவரின் சடலம் கண்டெடுக்கப்பட்டதாக காவல்துறையினர் தெரிவித்துள்ளனர்.
இதனை தொடர்ந்து பிற்பகல் 2.45 மணியளவில் வாக்லே எஸ்டேட் பகுதியில் உள்ள தண்ணீர் தொட்டியில் சடலம் மிதப்பதாக அந்த பகுதியின் பேரிடர் மேலாண்மை பிரிவின் தலைவரான அவினாஷ் சாவந்த் என்பவர் தகவல் தெரிவித்தார்.
இதனையடுத்து உள்ளூர் தீயணைப்பு வீரர்கள் மற்றும் ஆர்டிஎம்சி குழுவினர்களும் சம்பவ இடத்திற்கு வந்த நிலையில், அந்த நபரின் உடலை மீட்டு பிரேத பரிசோதனைக்கு அனுப்பி வைத்தனர்.
விசாரணையில், நாய் ஒன்று எதிர்பாராத விதமாக தொட்டியில் விழுந்துள்ளது. அப்போது சிறுவர்கள் குழு ஒன்று நாயை மீட்க சென்றபோது தண்ணீரின் மேற்பரப்பில் மிதந்த நபரின் உடலைக் கண்டுள்ளனர் என காவல்துறையினர் தெரிவித்துள்ளனர்.
இந்த மரணமானது எதனால் நிகழ்ந்திருக்கும் என்று பல்வேறு கோணத்தில் காவல்துறையினர் பல்வேறு கோணத்தில் விசாரணை நடத்தி வருகின்றனர்.
