புரதம் நமது உடலுக்கு மிக முக்கியமான ஊட்டச்சத்துக்களில் ஒன்றாகும். இது ஒரு நுண்ணூட்டச்சத்து ஆகும். இது அமினோ அமிலங்களால் ஆனது மற்றும் தசை வளர்ச்சி மற்றும் ஹார்மோன் ஒழுங்குமுறையை மேம்படுத்துவதில் முக்கிய பங்கு வகிக்கிறது. இது தவிர, புரதம் சாப்பிடுவது வளர்சிதை மாற்றத்தை அதிகரிக்கிறது மற்றும் உணவு பசியையும் குறைக்கிறது. குறிப்பாக எடை இழக்க திட்டமிடுபவர்கள், அதிக புரதத்தை உட்கொள்ள வலியுறுத்துவதற்கான காரணம் இதுதான். இதற்கும், பெரும்பாலான மக்கள் முட்டை அல்லது சீஸை அதிகமாக உட்கொள்கிறார்கள். ஆனால், உங்கள் உணவில் இருந்து புரதத்தை நீக்கினால் என்ன நடக்கும் என்று நீங்கள் எப்போதாவது யோசித்திருக்கிறீர்களா..?
தசை நிறை இழப்பு :
7 நாட்களுக்கு புரதம் சாப்பிடாமல் இருந்தால், தசை நிறைவைப் பாதிக்கும் என்று ஆய்வுகள் கூறுகின்றனர். அதுவும் வயதானவர்களிடம் இந்த தாக்கம் அதிகம் இருக்கும்.
வளர்சிதை மாற்றம் :
வளர்சிதை மாற்ற விகிதத்தை பராமரிக்க தசைகள் மிக முக்கியமானவை. போதுமான புரதம் உட்கொள்ளாமல் இருந்தால், தசை இழப்பு வளர்சிதை மாற்றத்தை மெதுவாக்கும் மற்றும் எடை அதிகரிப்பிற்கு வழிவகுக்கும்.
நோய் எதிர்ப்பு சக்தியை பாதிக்கிறது :
உங்கள் உணவில் புரதம் எடுத்துக் கொள்ளாமல் இருந்தால், அடிக்கடி நோய் வாய்ப்படும் நிலை ஏற்படும்.
பசி அதிகரிக்கும் :
போதுமான புரதம் எடுத்துக் கொள்ளவில்லை என்றால், உங்கள் பசி அதிகரிக்கும்.
சருமம் மற்றும் முடி சேதம் :
புரதம் சருமம் மற்றும் முடி அமைப்பில் ஒருங்கிணைந்த பகுதியாகும். போதுமான புரதம் கிடைக்காவிட்டால், உடையக்கூடிய நகங்கள், மந்தமான சருமம் மற்றும் முடி உதிர்தல் கூட ஏற்படலாம்.
எலும்புகள் பாதிக்கும் :
புரதம் இல்லாதது எலும்புகளை பலவீனப்படுத்தி எலும்பு முறிவு அபாயத்தை அதிகரிக்கிறது.
