முட்டை என்பது பலரின் விருப்பமான உணவாக உள்ளது.. மேலும் ஆம்லெட், ஹாஃப் பாயில், பொடிமாஸ், கலக்கி என பல்வேறு வழிகளில் முட்டையை சாப்பிட்டு வருகிறோம்.. மேலும், உடற்பயிற்சி ஆர்வலர்களுக்கும் முட்டை சிறந்த உணவாக உள்ளது.. இதில் வைட்டமின்கள், தாதுக்கள், புரதங்கள், ஆக்ஸிஜனேற்றங்கள் மற்றும் கொழுப்புகள் நிறைந்துள்ளன. ஆனால் முட்டையில் உள்ள கொலஸ்ட்ரால் இதய நோய்களுக்கு பங்களிக்கிறது என்பது பலராலும் நம்பப்படுகிறது.
முட்டைகள் அதிக அளவு கெட்ட கொலஸ்ட்ராலுக்கு வழிவகுப்பதாகவும், அதனால் அவற்றைத் தவிர்க்கவும், மற்ற உணவுகளை விட அவை உண்மையில் கொலஸ்ட்ரால் அளவு அதிகமாக இருப்பதாகவும் பலர் நம்புகிறார்கள். ஆனால் இது நமது நோய் எதிர்ப்பு சக்தி மற்றும் நல்ல ஆரோக்கியத்திற்கு தேவையான ஊட்டச்சத்துக்களால் நிரம்பியுள்ளது என்பதை புறக்கணிக்க முடியாது.
முட்டைக்கும் இருதய நோய்க்கும் எந்த உறுதியான தொடர்பும் இல்லை என்று சமீபத்திய ஆராய்ச்சி காட்டுகிறது. இதய நோய்களுக்கான அபாயத்தில் முட்டையின் எந்த உறுதியான ஆதாரத்தையும் கண்டுபிடிக்க முடியவில்லை என்று ஆய்வில் தெரியவந்துள்ளது. மேலும் நீரிழிவு நோயில் கூட வாரத்திற்கு 12 முட்டைகளை உட்கொள்வது மொத்த இரத்த கொழுப்பின் அளவையோ அல்லது இதய நோய் அபாய காரணிகளையோ எதிர்மறையாக பாதிக்காது என்றும், நல்ல கொழுப்பின் அளவை அதிகரிப்பதன் மூலம் பயனடைகிறது என்பதைக் காட்டுகிறது.
எனவே இதய நோய் தொடர்பான ஆபத்து காரணிகள் இல்லாத ஆரோக்கியமான நபர்கள், ஒரு நாளைக்கு 1-2 முட்டைகளை சாப்பிடலாம். இது எந்த பக்க விளைவுகளை ஏற்படுத்தாது.. மாறாக உங்கள் ஆரோக்கியத்திற்கு நன்மை பயக்கும்..
அதிகப்படியான கொலஸ்ட்ரால், நிறைவுற்ற கொழுப்பு மற்றும் டிரான்ஸ் கொழுப்பு நுகர்வு கொலஸ்ட்ரால் அளவை அதிகரிக்க வழிவகுக்கும், இது இதய நோய்களுக்கு வழிவகுக்கும் என்று ஆராய்ச்சி கூறுகிறது. முட்டைகளை உட்கொள்வது தீங்கு விளைவிப்பதில்லை என்றாலும், உங்கள் உணவில், அதிக கொலஸ்ட்ரால் உள்ள மற்ற உணவுகள் இருந்தால், அது உண்மையில் உங்களுக்கு தீங்கு விளைவிக்கும் என்று அந்த ஆய்வில் தெரிவிக்கப்பட்டுள்ளது..