ட்விட்டர் லோகாவாக இருந்த குருவியின் படத்திற்குப் பதிலாக ஒரு நாயின் படத்தை மாற்றியுள்ளார்.
டெஸ்லா, ஸ்பேஸ் எக்ஸ் நிறுவனத்தின் தலைவரும், உலகின் பெரும் பணக்காரருமான எலான் மஸ்க், கடந்த ஆண்டு அக்டோபரில் 44 பில்லியன் டாலருக்கு ட்விட்டர் தளத்தை வாங்கி இருந்தார். அது முதல் பல்வேறு அதிரடி மாற்றங்களை அவர் மேற்கொண்டு வருகிறார். அதிகாரப்பூர்வ ட்விட்டர் கணக்கிற்கான ப்ளூ டிக் பெற கட்டணம் பல மாற்றங்கள் இதில் அடங்கும். தொழில்நுட்ப ரீதியாகவும் மட்டுமல்லாமல் நிர்வாக ரீதியாகவும் மாற்றங்களை மேற்கொண்டு வருகிறார்.
இந்நிலையில் யாரும் எதிர்பாராத வகையில் ட்விட்டர் செயலியின் லோகோவையே எலான் மஸ்க் மாற்றி உள்ளார்.. ட்விட்டர் லோகாவாக இருந்த குருவியின் படத்திற்குப் பதிலாக ஒரு நாயின் படத்தை மாற்றியுள்ளார். இருப்பினும் ட்விட்டர் மொபைல் வெர்சனில் இந்த மாற்றம் அமல்படுத்தப்படவில்லை.
ட்விட்டரின் லோகோ ஏன் மாற்றப்பட்டது என்பது குறித்து எலான் மஸ்க் தனது ட்விட்டர் பக்கத்தில் பதிவிட்டுள்ளார்.. அதில், ஒரு பயனர் தன்னிடம் ட்விட்டர் லோகோவை ‘Doge’ படமாக மாற்றக் கூறியதால் தான் மாற்றியுள்ளதாக அவர் தெரிவித்துள்ளார். கடந்த மார்ச் மாதம், அந்தப் பயனருக்கு எலான் மஸ்க், லோகோவை மாற்றுவதாக உறுதியளித்துள்ளார். அதன்படியே தற்போது நீல குருவிக்குப் பதிலாக Dogecoin லோகோவான நாய் படத்தை மாற்றியுள்ளதாக தெரிவித்துள்ளார். எலான் மஸ்க்கின் இந்த நடவடிக்கையால் ‘Dogecoin’ எனப்படும் க்ரிப்டோகரென்சி நிறுவனத்தின் பங்குகள் 20% உயர்ந்துள்ளதாக தகவல்கள் தெரிவிக்கின்றன.
இது பிரபல Dogecoin கிரிப்டோகரன்ஸியின் லோகோவாகும். இந்த லோகோ 2013 ஆம் ஆண்டு வெளியிடப்பட்டது. பிட்காயின் உள்ளிட்ட பிற கிரிப்டோகரன்ஸிகளைப் பகடி செய்வதற்காக இந்த லோகோ உருவாக்கப்பட்டது என்பது குறிப்பிடத்தக்கது.