தற்போதுள்ள நவீன காலகட்டத்தில் பலரும் ஊட்டச்சத்து நிறைந்த உணவுகளை எடுத்துக் கொள்வதில்லை. மேலும் காலை உணவுகளை தவிர்த்து விட்டு மதிய நேரத்தில் அதிகமாக உண்ணுவது, பகல் நேரத்தில் சாப்பிட்டவுடன் படுத்து தூங்குவது போன்ற ஒரு சில பழக்கங்களும் உடல் எடையை அதிகரிக்கும்.
இவ்வாறு உடல் எடை அதிகமாக இருப்பவர்கள் தினமும் உடற்பயிற்சி செய்தாலும் சரியான உணவு பழக்கங்கள் இல்லாவிட்டால் உடல் எடையை குறைப்பது மிகவும் சிரமம். தினமும் அதிகமாக கார்போஹைட்ரேட் நிறைந்த உணவுகளை எடுத்துக் கொள்வதை குறைக்க வேண்டும். இதற்கு பதில் தினமும் காலையில் பழங்களினலான ஊட்டச்சத்து நிறைந்த எனர்ஜி ட்ரிங்க் குடித்து பாருங்கள்.
உங்களுக்குப் பிடித்த ஏதாவது ஒரு பழ வகையை எடுத்துக்கொண்டு அதனுடன் தேங்காய் பால், பாதாம் பால், சோயா பால் இது போன்ற ஏதாவது ஒரு பால் வகையை சேர்த்து உலர் திராட்சை, பாதாம், பிஸ்தா போன்ற ஏதாவது ஒரு நட்ஸ் வகையை சேர்த்துக் கொள்ளலாம். இதனை ஒன்றாக சேர்த்து அரைத்து தினமும் குடித்து வந்தால் உடலுக்கு தேவையான ஊட்டச்சத்தும் கிடைக்கும். நீண்ட நேரம் பசி எடுக்காமல் உடல் எடையும் குறையும்.
இவ்வாறு தினமும் காலையில் இந்த எனர்ஜி ட்ரிங்க் குடித்து வந்தால் உடல் எடை வேகமாக குறைவதோடு, உடலில் இரும்பு சத்து அதிகரிக்கும். மேலும் காலை உணவை அவசர அவசரமாக சாப்பிடாமல் செல்பவர்களுக்கு இந்த எனர்ஜி ட்ரிங்க் ஒரு வரப்பிரசாதமாகவும் இருக்கும் என்று வல்லுநர்கள் கூறி வருகின்றனர்
