இயக்குனர் அனுதீப் இயக்கத்தில் நடிகர் சிவகார்த்திகேயன் நடித்த ப்ரின்ஸ் திரைப்படம் தமிழ் மற்றும் தெலுங்கு என 2 மொழிகளில் உருவாகியது. இந்த படத்தில் சிவகார்த்திகேயனுக்கு ஜோடியாக உக்ரைன் நாட்டைச் சேர்ந்த மரியா ரியாபோஷப்காவும், சத்யராஜ், பிரேம்ஜி அமரன் உள்ளிட்ட பலரும் நடித்துள்ளனர். இசையமைப்பாளர் தமன் இசையமைக்கும் இந்த படத்திற்கு மனோஜ் பரமஹம்சா ஒளிப்பதிவு செய்துள்ளார்.
இப்படம் கடந்த அக்டோபர் மாதம் 21-ம் தேதி வெளியானது. இந்த படம் எதிர்பார்த்த அளவில் வசூலை பெறவில்லை. தமிழகத்தில் விநியோகஸ்தருக்கு 12 கோடி ரூபாய் நஷ்டம் ஏற்பட்டதாக தகவல் வெளியானது. இந்த நிலையில் பிரின்ஸ் படத்தின் தோல்விக்கு நடிகர் சிவகார்த்திகேயன் பொறுப்பேற்றுள்ளார். அப்படத்தின் தயாரிப்பு நிறுவனம் ரூ.3 கோடி, சிவகார்த்திகேயன் ரூ.3 கோடி என மொத்தம் ரூ.6 கோடி விநியோகஸ்தர்களுக்கு நஷ்ட ஈடாக வழங்கப்பட்டுள்ளதாக தகவல் வெளியாகியுள்ளது.
