பள்ளி பாடத்திட்டத்தில் சட்டங்கள் பற்றிய படிப்பையும் சேர்க்க கேரள அரசு திட்டமிட்டுள்ளது
கேரள சட்டப்பேரவையில் நேற்று பேசிய சிபிஐ எம்எல்ஏ வி ஆர் சுனில் குமார் அரசுக்கு முக்கிய கோரிக்கை ஒன்றை விடுத்தார்.. மேலும் “ பொதுச் சொத்துக்களுக்கு சேதம் விளைவிப்பதைத் தடுக்கும் சட்டம், பாலியல் குற்றங்களில் இருந்து குழந்தைகளைப் பாதுகாக்கும் சட்டம் உள்ளிட்ட பல்வேறு சட்டங்கள் குறித்து பள்ளிகளில் குழந்தைகளுக்கு கற்பிக்கப்பட வேண்டும் “ என்று கோரிக்கை விடுத்தார்…
மேலும் மாணவர்கள் 12-ம் வகுப்பை முடிப்பதற்குள், சட்டப்பூர்வமான நடவடிக்கைகள் பற்றி அறிந்திருப்பதை உறுதிசெய்ய, இந்த விதிகள் மற்றும் வெவ்வேறு குற்றங்களுக்கு அவர்களுக்குள் பட்டியலிடப்பட்டுள்ள தண்டனைகள் பற்றி அறிந்து கொள்ள வேண்டும் என்றும் அவர் தெரிவித்தார்..
அம்மாநில பொதுக் கல்வி அமைச்சர் வி சிவன்குட்டி இதற்கு விளக்கமளித்த போது “ அரசியலமைப்பு உரிமைகள், கொள்கைகள் மற்றும் கடமைகள் இப்போது உயர்நிலைப் பள்ளியில் கற்பிக்கப்படுகின்றன, ஆனால் அத்தகைய உரிமைகளை எவ்வாறு பாதுகாப்பது என்பதை குழந்தைகளுக்கு கற்பிப்பது முக்கியம். எதிர்காலத்தில் ஒழுக்கம் மற்றும் அர்ப்பணிப்புள்ள குடிமக்களாக மாணவர்களை உருவாக்க, குறிப்பிட்ட சட்டங்கள் பற்றிய அறிவை மாணவர்களின் கல்வியில் சேர்ப்பது முக்கியம்..” என்று தெரிவித்தார்..
பள்ளிக் கல்விக் கொள்கையில் விரிவான மறுசீரமைப்பு மேற்கொள்ளப்பட்டு வருவதாகவும், பாடத்திட்டங்களில் என்ன உள்ளடக்கம் சேர்க்கப்பட வேண்டும் என்பது குறித்து பொது விவாதங்கள் மூலம் கருத்துகள் சேகரிக்கப்படும் என்றும் அமைச்சர் கூறினார். இந்தச் செயல்முறையின் ஒரு பகுதியாக, கல்விக் கொள்கையில் சட்டப் படிப்புகளைச் சேர்ப்பதும் கவனத்தில் கொள்ளப்படும் என்று சிவன்குட்டி குறிப்பிட்டார்.
