கோவை, மதுரையில் மெட்ரோ ரயில் திட்டம் செயல்படுத்தப்படும் என்று தமிழக நிதியமைச்சர் பிடிஆர். பழனிவேல் தியாகராஜன் அறிவித்துள்ளார்..
2023-24-ம் ஆண்டுக்கான பொது பட்ஜெட்டை தமிழக நிதித்துறை அமைச்சர் பழனிவேல் தியாகராஜன் இன்று காலை இ பட்ஜெட்டாக தாக்கல் செய்து வருகிறார்.. அப்போது பேசிய அவர் “ 2006 முதல் 2011 வரை சராசரி 8 சதவீதமாக மாநிலத்தின் சொந்த வரிவருவாய், அடுத்த 10 ஆண்டுகள் தொடர்ந்து வீழ்ச்சி கண்டு, 2020-21-ல் 5.58 சதவீதமாக குறைந்தது.. கடந்த 2 ஆண்டுகளாக இந்த அரசு எடுத்த முயற்சிகளின் பலனாக இந்த விகிதம் 6.11 சதவீதமாக உயர்ந்துள்ளது..” என்று தெரிவித்தார்..
2023-24 தமிழக பட்ஜெட் முக்கிய அறிவிப்புகள் :
- முதல்வரின் கிராம சாலைகள் மேம்பாட்டு திட்டத்திற்காக 5,145 கி.மீ சாலைகளை மேம்படுத்த ரூ.2000 கோடி ஒதுக்கீடு
- கிராமப்புறங்களில் 10,000 குளங்கள், ஊரணிகள் ரூ.800 கோடி செலவில் புதுப்பிக்கப்படும்
- ஈரோடு மாவட்டம் அந்தியூரில் 80,567 ஹெக்டேர் பரப்பில் தந்தை பெரியார் வனவிலங்கு சரணாலயம் அமைக்கப்படும்
- விழுப்புரம் மாவட்டம் மரக்காணத்தில் ரூ.25 கோடியில் பன்னாட்டு பறவைகள் மையம் அமைக்கப்படும்
- கட்டட வரைபடம், மனை வரைபட அனுமதியை இணைய வழியில் பெற இணையதளம் உருவாக்கப்படும்.
- சென்னை தீவுத்திடலில் திறந்தவெளி திரையரங்கம் உள்ளிட்ட நகரப்புற வசதிகள் கொண்டு வரப்படும்..
- 1000 புதிய பேருந்துகளை கொள்முதல் செய்யவும், 500 பழைய பேருந்துகளை புதுப்பிக்கவும் இந்த வரவு செலவு திட்டத்தில் ரூ.500 கோடி நிதி ஒதுக்கீடு
- மகளிருக்கான கட்டணமில்லா பயணத்திற்கு 2,700 கோடி ரூபாய் ஒதுக்கப்பட்டுள்ளது.
- சென்னை தேனாம்பேட்ட முதல் சைதாப்பேட்டை வரை அண்ணாசாலையில் ரூ.621 கோடியில் 4 வழி மேம்பாலம் அமைக்கப்படும்..
- சென்னை கூவம், அடையாறு நீர்வழித்தடங்களில் ரூ.1,500 கோடியில் மறுசீரமைப்பு திட்டம் ஏற்படுத்தப்படும்.
- அடையாற்றில் பூங்கா, பசுமை நடைபாதை, திறந்தவெளி உடற்பயிற்சி கூடம் போன்றவை அமைக்க ரு.1,500 கோடி ஒதுக்கீடு
- சென்னையில் பேருந்து பணிமனைகளை தரம் உயர்த்த ரூ.1,600 கோடி ஒதுக்கீடு
- மதுரையில் மெட்ரோ ரயில் ரயில் ரூ.8,500 கோடி மதிப்பீட்டில் செயல்படுத்தப்படும்.
- கோவையில் ரூ.9000 கோடி மதிப்பீட்டில் மெட்ரோ ரயில் திட்டம் செயல்படுத்தப்படும்
- சென்னை அம்பத்தூரில் இளைஞர்களுக்கான திறன் மேம்பாட்டு மையம் ரூ.120 கோடியில் அமைக்கப்படும்..
- 211 தொழிற்சாலைகளில் பணிபுரியும் தொழிலாளர்களுக்கு ‘ மக்களை தேடி மருத்துவம் திட்டம்’ விரிவுப்படுத்தப்படும்
