நாடு முழுவதும் மாநில அரசுகளுக்கு வழங்கும் அரிசியை மத்திய அரசு குறைத்துள்ளது. இதனால் இலவசமாக ரேஷனில் அரிசி வழங்கி வந்த, மாநில அரசுகள் சிரமத்தில் இருக்கின்றனர். இந்நிலையில், கேரளா அரசு ரேஷன் கடைகளில் வெள்ளை அட்டைதாரர்களுக்கு தற்போது வழங்கப்படும் இரண்டு கிலோ அரிசியுடன் கூடுதலாக 5 கிலோ அரிசி வழங்க இருப்பதாக அமைச்சர் ஜி.ஆர். அனில் தெரிவித்துள்ளார்.
அதுமட்டுமின்றி, நீல அட்டைதாரர்களுக்கு கூடுதல் ரேஷனாக ரூ.10.90 வீதம் 5 கிலோ அரிசி வழங்கப்படும் எனவும், AAY கார்டுதாரர்களுக்கு மூன்று மாதங்களுக்கு ஒரு முறை வழங்கப்படும் மண்ணெண்ணெய் உடன் ஓணம் பண்டிகையை முன்னிட்டு கூடுதலாக அரை லிட்டர் சேர்த்து ஒரு லிட்டராக வழங்கப்படும் என அறிவிக்கப்பட்டுள்ளது.
இம்மாதம் 10ஆம் தேதிக்குள் அனைத்துப் பொருட்களும் ரேஷன் அட்டைதாரர்களுக்கு வழங்கப்பட வேண்டும் என அதிகாரிகளுக்கு உத்தரவிடப்பட்டுள்ளது. அத்துடன் ஆகஸ்ட் 18ஆம் தேதி ஓணம் மேளாவை முதலமைச்சர் பினராயி விஜயன் துவங்கி வைக்கிறார். அதன் மூலம் பொதுத்துறை மற்றும் தனியார் நிறுவனங்களுடன் இணைந்து ஊழியர்களுக்கு ரூ. 500 மற்றும் ரூ.1000 மதிப்பிலான இலவச கூப்பன்கள் வழங்கப்பட்டு பொது சந்தையை விட ரூ.5 விலை குறைவாக பொருட்கள் விற்பனை செய்ய மாநில அரசு முடிவு செய்துள்ளது.
