ஆளுநர் அரசியல் பேசக் கூடாது என்பதே தமிழக பாஜகவின் நிலைப்பாடு என அண்ணாமலை தெரிவித்துள்ளார்.
விழுப்புரத்தில் செய்தியாளர்களிடம் பேசிய அண்ணாமலை, “நாடாளுமன்றத்தில் தாக்கல் செய்யும்போது சட்டம் குறித்து தெரிந்து கொள்வார்கள். யாரையும் பிரிப்பதற்காக இல்லை. பொது சிவில் சட்டம் என்பது இஸ்லாமியர்களுக்கும், குறிப்பாக இஸ்லாமிய பெண்களுக்கும், கிறிஸ்தவர்களுக்கும் கூட நல்ல சட்டம். யாருக்கு எதிராக உங்க சட்டம் இருக்கப் போவது கிடையாது” என்றார்.
பொது சிவில் சட்டத்திற்கு அதிமுக நிலைப்பாடு குறித்த கேள்விக்கு பதிலளித்து பேசுகையில், “வருகின்ற காலத்தில் அதிமுக நிலைப்பாடு மாறும் என நம்புகிறேன். பாஜக மீது எப்படி இந்த சட்டத்தை கொண்டு வரப் போகிறார்கள் என அதிமுக நம்பிக்கைக்கொள்ள வேண்டும். அதிமுக – பாஜக பல்வேறு கருத்து முரண்பாடு இருந்தால் கூட வருகின்ற காலத்தில் எல்லாம் சரி செய்யப்படும். அனைத்து கட்சிகளும் இணைந்து பொது சிவில் சட்டத்தை கொண்டு வர வேண்டும்” என்றார்.
ஆளுநர் விவகாரம் குறித்த கேள்விக்கு பதிலளித்த அவர், ”தமிழகத்தின் ஒவ்வொரு பிரச்சனைக்கும் ஆளுநர் பதில் சொல்ல ஆளுநர் அரசியல்வாதி அல்ல. ஆளுநர் அரசியல் பேசக்கூடாது. இதில் நாங்கள் தெளிவாக உள்ளோம். ஆளுநர் அவரை கடமையை மட்டுமே செய்ய வேண்டும்” என்று தெரிவித்தார்.
