மும்பையில்,14 வயது சிறுமியுடன் உடலுறவு கொண்ட 41 வயது நபர் உயிரிழந்த சம்பவம் அதிர்ச்சியை ஏற்படுத்தியுள்ளது. உயிரிழந்த நபர் குஜராத்தில் உள்ள வைர தொழிற்சாலையின் மேலாளர் என அடையாளம் காணப்பட்டுள்ளார். மும்பை கிராண்ட் ரோடு பகுதியில் உள்ள ஒரு ஹோட்டலில் நவம்பர் 2 ஆம் தேதி இந்த சம்பவம் நடந்தது. இறந்தவர் அதே தொழிற்சாலையில் பணிபுரிந்த 14 வயது சிறுமியை பாலியல் வன்கொடுமை செய்ததாக குற்றம் சாட்டப்பட்டுள்ளது.
போலிசாரின் கூற்றுப்படி, உயிரிழந்த மேலாளர் அவரது தாய், பக்கவாதத்தால் பாதிக்கப்பட்ட தந்தை மற்றும் வேலையில்லாத சகோதரனை உள்ளடக்கிய அவரது குடும்பத்திற்கு நிதி உதவி செய்து வந்தார். அந்த உதவியை நிறுத்துவதாக மிரட்டி,14 வயது பெண்ணை பாலியல் வன்கொடுமை செய்துள்ளார். இதுகுறித்து அந்த சிறுமி தனது தாயிடம் தெரிவித்தார். சிறுமியின் தாயின் புகாரின் பேரில், வைர நிறுவன மேலாளரான இறந்தவர் மீது பாரதிய நியாய சன்ஹிதா மற்றும் பாலியல் குற்றங்களிலிருந்து குழந்தைகளைப் பாதுகாத்தல் (போக்சோ) சட்டத்தின் கீழ் கற்பழிப்பு மற்றும் பிற குற்றங்களுக்காக வழக்கு பதிவு செய்யப்பட்டுள்ளது.
குற்றம் சாட்டப்பட்டவர், ஹோட்டல் அறையில் சிறுமியை பாலியல் வன்கொடுமை செய்யும் போது சரிந்து விழுந்தார். பின்னர் அந்த சிறுமி ஹோட்டல் ஊழியர்களை அழைத்து போலீசாருக்கு தகவல் கொடுத்துள்ளார். இதையடுத்து அந்த நபர் ஜேஜே மருத்துவமனைக்கு கொண்டு செல்லப்பட்டார். இருப்பினும் அந்த நபர் உயிரிழந்தார். அந்த நபர் குஜராத்தில் இருந்து சிறுமியை தன்னுடன் அழைத்து வந்ததாக கூறப்படுகிறது. இச்சம்பவம் சனிக்கிழமை நடந்ததாக கூறப்படுகிறது.
