fbpx

மாணவர்களே கவனம்…! 2-ம் கட்ட JEE முதன்மை தேர்வுக்கு ஹால் டிக்கெட் வெளியீடு…!

2-ம் கட்ட ஜேஇஇ முதன்மை தேர்வுக்கு ஹால் டிக்கெட் வெளியிடப்பட்டுள்ளது.

இது குறித்து என்டிஏ வெளியிட்டுள்ள செய்தி குறிப்பில்; ஐஐடி, என்ஐடி போன்ற மத்திய உயர் கல்வி நிறுவனங்களில் இளநிலை படிப்புகளில் சேர, ஒருங்கிணைந்த நுழைவு தேர்வில் (ஜேஇஇ) தேர்ச்சி பெறவேண்டும். இது ஜேஇஇ முதன்மை தேர்வு, பிரதான தேர்வு என 2 பிரிவாக நடைபெறும். இதில் முதன்மை தேர்வு ஆண்டுதோறும் 2 கட்டங்களாக தேசிய தேர்வுகள் முகமை (என்டிஏ) சார்பில் நடத்தப்படுகிறது.

2025-26-ம் கல்வி ஆண்டுக்கான ஜேஇஇ முதல்கட்ட முதன்மை தேர்வு கடந்த ஜனவரி 22 முதல் 30-ம் தேதி வரை நடத்தப்பட்டது. சுமார் 13 லட்சம் பேர் தேர்வு எழுதினர். இதன் முடிவுகள் பிப்ரவரி 11-ம் தேதி வெளியிடப்பட்டன. இதைத் தொடர்ந்து, ஜேஇஇ 2-ம்கட்ட முதன்மை தேர்வு வரும் ஏப்ரல் 2 முதல் 9-ம் தேதி வரை நடைபெற உள்ளது. இதற்கான இணையதள விண்ணப்ப பதிவு கடந்த பிப்ரவரி 1-ம் தேதி தொடங்கி 26-ம் தேதியுடன் நிறைவடைந்தது.

தேர்வர்களுக்கான ஹால்டிக்கெட் என்டிஏ தற்போது வெளியிட்டுள்ளது. jeemain.nta.nic.in என்ற இணையதளத்தில் இதை பதிவிறக்கம் செய்து கொள்ளலாம். கூடுதல் விவரங்களை nta.ac.in என்ற தளத்தில் அறியலாம். 011-40759000/ 69227700 என்ற தொலைபேசி எண்கள், jeemain@nta.ac.in எனும் மின்னஞ்சல் முகவரியில் தொடர்பு கொண்டும் விளக்கம் பெறலாம் என்று என்டிஏ தெரிவித்துள்ளது.

English Summary

Hall tickets released for Phase 2 JEE Mains exam

Vignesh

Next Post

மரண தண்டனையிலிருந்து மன்னிப்பு!. வெளிநாடுகளில் 10 ஆயிரம் இந்திய கைதிகள் விடுதலை!

Sun Mar 30 , 2025
Amnesty from death penalty!. 10 thousand Indian prisoners abroad released!

You May Like