இந்தியாவின் மிகப்பெரிய தனியார் துறை வங்கியாக ஹெச்.டி.எஃப்சி. வங்கி உள்ளது. இந்த வங்கி ஏற்கனவே கடனுக்கான வட்டி விகிதத்தை உயர்த்தியிருந்த நிலையில், தற்போது மீண்டும் கடன் வட்டி விகிதத்தை உயர்த்தி அறிவிப்பு வெளியிட்டுள்ளனர்.
இந்த அறிவிப்பை தொடர்ந்து, ஹெச்.டி.எஃப்சி. வங்கியில் கணக்கு வைத்துள்ள வாடிக்கையாளர்கள் அதிர்ச்சியடைந்துள்ளனர். அதாவது, அனைத்து வகையான கடன்களுக்கான மார்ஜினல் காஸ்ட் ஆஃப் லெண்டிங் ரேட் (MCLR) 15 அடிப்படை புள்ளிகள் அதிகரிக்கப்பட்டுள்ளது.
இதனால், கடனுக்கான இ.எம்.ஐ. சுமையாக மாறும். ஒரே இரவில் MCLR 8.35 சதவீதத்தில் இருந்து 8.50 சதவீதமாகவும், ஒரு மாத கடனுக்கான வட்டி 8.55 சதவீதமாகவும், மூன்று மாதங்களுக்கு 8.80 சதவீதமாகவும், 6 மாதங்களுக்கு 9.05 சதவீதமாகவும், ஓராண்டுக்கு 9.15 சதவீதமாகவும் அதிகரித்து ஹெச்.டி.எஃப்.சி. வங்கி அறிவித்துள்ளது.
