பிரதமர் மோடியின் சொத்து மதிப்பு கடந்த ஆண்டை விட ரூ.26 லட்சம் அதிகரித்துள்ளது..
பிரதமர் மோடியின் சொத்து மதிப்பு குறித்த தகவலை பிரதமர் அலுவலகம் தெரிவித்துள்ளது. கடந்த மார்ச் 31-ம் தேதி நிலவரப்படி, பிரதமர் நரேந்திர மோடியின் சொத்து குறித்த விவரங்கள் பிரதமர் அலுவலகம் சார்பில் வெளியிடப்பட்டுள்ளன. வெளியாகியுள்ளன. அதன்படி, பிரதமர் மோடியின் அசையும் சொத்துக்களின் மதிப்பு கடந்த ஆண்டை விட சுமார் 26 லட்சம் உயர்ந்துள்ளது..
அதாவது ரூ. 1,97,68,885 ஆக இருந்த அவரது சொத்து மதிப்பு தற்போது 2,23,82,504 ஆக உயர்ந்துள்ளது. பிரதமர் மோடியிடம் ரொக்கமாக 35 ஆயிரத்து 250 ரூபாய் மட்டுமே இருப்பதாக கூறப்பட்டுள்ளது. பிரதமர் மோடியிடம் அசையா சொத்துக்கள் ஏதும் இல்லை என்றும் தெரிவிக்கப்பட்டுள்ளது.. மேலும் அவரின் சொந்த மாநிலமான குஜராத்தின் காந்தி நகரில் இருந்த சொத்துக்களில் தனது பங்கை மோடி தானமாக வழங்கிவிட்டதாகவும் கூறப்பட்டுள்ளது.
பிரதமருக்கு சொந்தமாக கார்கள் எதுவும் இல்லை எனவும், அவரிடம் ரூ 1,73,000 மதிப்புள்ள 4 தங்க மோதிரங்கள் இருப்பதாகவும் தெரிவிக்கப்பட்டுள்ளது. இதுதவிர தபால் நிலையத்தில் ரூ. 9 லட்சம் மதிப்பில் தேசிய சேமிப்பு பத்திரங்களும், 1.89 லட்சம் மதிப்பில் காப்பீடும் மோடியின் பெயரில் உள்ளதாக கூறப்பட்டுள்ளது..
