கடந்த சில தினங்களாக நாட்டின் பல்வேறு பகுதிகளில் கனமழை பெய்து வருகிறது. அதிகம் குறிப்பாக பஞ்சாப், இமாச்சலப் பிரதேசம், டெல்லி போன்ற வட இந்திய மாநிலங்களில் கனமழை காரணமாக, வெள்ளப்பெருக்கு ஏற்பட்டிருக்கிறது இந்த நிலையில் தான் அடுத்த 4 நாட்களுக்கு இந்தியாவின் 14 மாநிலங்களில் கனமழைக்கு வாய்ப்பு இருப்பதாக இந்திய வானிலை ஆய்வு மையம் எச்சரிக்கை விடுத்துள்ளது.
அதன்படி இன்று முதல் வரும் ஆகஸ்ட் மாதம் 2ம் தேதி வரையில் கனமழை முதல் மிக கனமழை வரையில் செய்யும் என்று தெரிவிக்கப்பட்டிருக்கிறது. இந்த மழையானது அசாம், மேகாலயா, நாகலாந்து, மணிப்பூர், மிசோரம், திரிபுரா, உத்தரப்பிரதேசம், அருணாச்சல பிரதேசம், மகாராஷ்டிரா, கோவா, மத்திய பிரதேசம், சத்தீஸ்கர், ஒடிசா, பீகார் என்று 14 மாநிலங்களில் பெய்ய வாய்ப்பு இருக்கிறது என்று தெரிவிக்கப்பட்டுள்ளது.
இதன் காரணமாக, இந்த 14 மாநிலங்களுக்கும் ஆரஞ்சு அலார்ட் எச்சரிக்கையை இந்திய வானிலை ஆய்வு மையம் விடுத்திருக்கிறது. அதிலும் குறிப்பாக ஒடிசா மாநிலத்தில் கனமழை முதல், மிக கனமழை வரையில் பெய்யும் என்று எதிர்பார்க்கப்படுகிறது என்றும் தெரிவித்திருக்கிறது.
