கரூர் மாவட்டம் கடவூர் சிந்தாமணிப்பட்டி பகுதியில் ஸ்ரீ மகா மாரியம்மன் ஆலயம் இருக்கிறது. இதில் ஜூன் மாதம் 6 ஆம் தேதி முதல் திருவிழா நடைபெற்று வருகிறது. திருவிழாவின் போது கரகம் சாதித்தல் மற்றும் ஆடல் பாடல் நிகழ்வுக்கு அனுமதி வழங்க கோரி சென்னை உயர்நீதிமன்றத்தில் மனுத்தாக்கல் செய்யப்பட்டது.
அந்த மனு நீதிபதிகள் சுப்பிரமணியன் விக்டோரியா கௌரி அமர்வு முன்பு விசாரணைக்கு ஏற்றுக் கொள்ளப்பட்டது. அப்போது அரசு தரப்பில் ஆஜரான வழக்கறிஞர் மனுதாரருக்கு அனுமதி வழங்கப்பட்டுள்ளதாக கூறினார்.
ஒரு கிராமத்தில் கோவில் திருவிழாவில் ஆடல் பாடல் நிகழ்வுக்கு அனுமதி கூறி பொதுநல வழக்காக தாக்கல் செய்ய இயலாது என்றும் இது குறித்து உயர்நீதிமன்றம் தெளிவான உத்தரவை பிறப்பித்திருக்கிறது எனவும் நீதிபதிகள் தெரிவித்துள்ளனர்.
இருந்தாலும் அந்த உத்தரவை பின்பற்றாமலும், புரிந்து கொள்ளாமலும் மறுபடியும் பொதுமக்கள் பொதுநல வழக்கு தாக்கல் செய்யப்படுவது சரியல்ல என்று தெரிவித்திருக்கிறார்கள். இனி ஆடல் பாடலுக்கு அனுமதி கூறி பொதுநலன் மனு தாக்கல் செய்யப்பட்டால் அந்த மனுதாரருக்கு கடுமையான அபராதம் விதிக்கப்படும் என்று எச்சரித்துள்ளனர்.
அதடி ஆடல் பாடலுக்கு அனுமதி கோரி தாக்கல் செய்யப்பட்ட மனுவையும் தள்ளுபடி செய்து உத்தரவு பிறப்பித்தனர்.
