நடிகர் விக்ரம் தன்னுடைய ஒவ்வொரு திரைப்படத்திலும் தன்னுடைய உடலை வருத்திக் கொண்டு நடித்து வருகிறார். அவர் ஒவ்வொரு திரைப்படத்திலும் தனித்து காணப்படுகிறார்.
இவருடைய நடிப்பில் தற்சமயம் தங்களான் திரைப்படம் உருவாகி வருகின்றது. அதேபோல ஏற்கனவே உருவாகி உள்ள பொன்னியின் செல்வன் இரண்டாம் பாகம் திரைப்படம் வருகின்ற ஏப்ரல் மாதம் 28ஆம் தேதி வெளியாக உள்ளது.
விக்ரமின் திரை உலக வாழ்க்கையில் பேர் சொல்லும் கதாபாத்திரங்களில் ஒன்றுதான் பிதாமகன் சித்தன், இதில் வித்தியாசமான தன்னுடைய நடிப்பால் ரசிகர்களை தன்வசப்படுத்தி இருப்பார் விக்ரம்.
இந்த சூழ்நிலையில், திரை உலகில் காலாகாலத்திற்கும் நிலைத்து நின்று பேசும் கதாபாத்திரங்களில் ஒன்றான பிதாமகன் கதாபாத்திரத்தில் நடிக்க நடிகர் விக்ரம் 1.25 கோடி சம்பளம் வாங்கியதாக தகவல் கிடைத்திருக்கிறது.
