2024-ம் ஆண்டில் என்னென்ன நடக்கும் என்பது குறித்து பிரபல தீர்க்கதரிசி கிரேக் ஹாமில்டன் கணித்துள்ளார். அதன்படி 2024-ல் இந்தியா மற்றும் ரஷ்யாவின் ‘நட்பு’, ரஷ்யா-சீனா கூட்டணி, பரவலான சைபர் தாக்குதல்கள், அமெரிக்கா, இத்தாலியில் பூகம்பம் நடக்கும் ஆகியவை குறித்து கணித்துள்ளார்.
சவுத்தாம்ப்டனைச் சேர்ந்த, 69 வயதான ஆன்மிக ஊடகமான கிரேக் ஹாமில்டன்-பார்க்கர், எதிர்காலத்தைப் பற்றிய தனது கணிப்புகளை வெளிப்படுத்தி உள்ளார். கிரேக் ஹாமில்டன் தனது மனைவி ஜேன் உடன் இணைந்து, கோவிட் தொற்றுநோய், பிரெக்சிட், டொனால்ட் டிரம்பின் ஜனாதிபதி பதவி மற்றும் இரண்டாம் எலிசபெத் மகாராணியின் மறைவு போன்ற குறிப்பிடத்தக்க நிகழ்வுகளை துல்லியமாக கணித்திருந்தார்.
‘புதிய நாஸ்ட்ராடாமஸ்’ என அழைக்கப்படும் கிரேக், இரண்டு மணி நேர யூடியூப் வீடியோவில் 2024-ம் ஆண்டுக்கான கணிப்புகளை வெளியிட்டார். இந்த கணிப்புகளில் லண்டன் மற்றும் ஐரோப்பாவை மூழ்கடிக்கும் பெரும் வெள்ளம், ஆஸ்திரேலியாவில் ஒரு புதிய தொற்றுநோய் தோன்று மற்றும் ரஷ்ய அதிபர் விளாடிமிர் புடின் மரணம் போன்ற முன்னறிவிப்புகள் உள்ளன.
பிரதமர் நரேந்திர மோடி தேசத்தை வழிநடத்துவதில் உறுதியாக இருப்பார், அரசாங்கத்தை நவீனமயமாக்குவதற்கான குறிப்பிடத்தக்க முயற்சிகளில் இறங்குவார் என்று ஹாமில்டன் பார்க்கர் தெரிவித்துள்ளார். இந்த முன்முயற்சிகள் அரசாங்க அமைப்புகள் மற்றும் காவல்துறையில் ஊழலை ஒழிப்பதை இலக்காகக் கொண்டு, மிகவும் வெளிப்படையான மற்றும் பொறுப்பான அமைப்பை வளர்க்கும் என்றும் அவர் குறிப்பிட்டுள்ளார். மேலும் “மோடி இன்னும் ஆட்சியில் இருப்பதை நான் காண்கிறேன், அதனால் அவர் மீண்டும் தேர்ந்தெடுக்கப்படுவார். மோடி இந்திய அரசாங்கத்தையும் நவீனமயமாக்குவதற்கான நடவடிக்கைகளை மேற்கொள்வதை நான் காண்கிறேன். இது அரசாங்கம் மற்றும் காவல்துறையில் உள்ள ஊழலை அகற்றுவதற்கான ஒரு பெரிய நடவடிக்கை” என்று கணித்தார்.
அமெரிக்க ஜோ பிடனைச் சூழ்ந்துள்ள நெருக்கடி, அமெரிக்க தேர்தலை தாமதப்படுத்த அல்லது நிறுத்துவதற்கான சவால்கள் மற்றும் முயற்சிகள் குறித்தும் அவர் கணித்துள்ளார். சட்டரீதியான சவால்கள் மற்றும் கூட்டாட்சி சட்டத்தை மாற்றுவதற்கான முயற்சிகள் இருந்தபோதிலும், இந்த முயற்சிகள் தோல்வியடையும் என்று அவர் தெரிவித்துள்ளார், இறுதியில் இந்த தேர்தலில் ட்ரம்ப் வெற்றி பெறுவார். டிரம்ப் மீண்டும் ஆட்சிக்கு வர ஒரு கறுப்பினப் பெண் உதவுவார் என்று நான் உணர்கிறேன். கறுப்பின வாக்குகள்தான் இறுதியில் அந்த சிறிய விளிம்பை மாற்றப் போகிறது,” என்று அவர் கூறினார்.
அமெரிக்கா பற்றி மேலும் பேசிய ஹாமில்டன் “ விமானம் கடத்தல் உட்பட இஸ்லாமிய பயங்கரவாத தாக்குதல்களுக்கு வாய்ப்பிருப்பதாகவும் பேசுகிறார். “உலகம் முழுவதும் பயங்கரவாதத் தாக்குதல்கள் நடக்கப் போகிறது, அமெரிக்காவும் அதன் பங்கைப் பெறப் போகிறது என்று நான் உணர்கிறேன். ” என்று தெரிவித்தார்.
2024 ஆம் ஆண்டில், உலகளவில் ‘குறிப்பிடத்தக்க’ எண்ணிக்கையிலான சைபர் தாக்குதல்கள் நிகழும் என்றும் கிரேக் கணித்துள்ளார். “நான் ஸ்பைவேரைப் பார்க்கப் போகிறோம், ஒரு பெரிய ஸ்பைவேர் வெளியீடு நடக்கும். சில வங்கி அமைப்புகளை வீழ்த்தும் ஏதோ ஒன்று நடக்கப் போகிறது,” என்று அவர் கூறினார்.
2024 ஆம் ஆண்டு அமெரிக்கா மற்றும் இத்தாலியில் நிலநடுக்கங்கள் உட்பட உலகளவில் பல இயற்கை பேரழிவுகளை சந்திக்கும் என்று கிரேக் கூறினார். மேலும் “அமெரிக்கா மிகப் பெரிய நிலநடுக்கத்தைப் காணப் போகிறது என்று நான் உணர்கிறேன், அது மேற்குக் கடற்கரை மற்றும் மெக்சிகோ நகரம் வரை செல்லும். எல்லாம் சரிவதை நான் காணவில்லை… ஆனால் அங்கே ஒரு நிலநடுக்கம் இருப்பதாக உணர்கிறேன். லண்டன் மற்றும் ஐரோப்பா முழுவதும் ‘பெரிய வெள்ளம்’ ஏற்படும். ஆஸ்திரேலியாவை சுனாமி தாக்கும்.
ஆஸ்திரேலியாவில் வரும் ஆண்டுகளில் காட்டுத்தீ, வெள்ளம், கிரேட் பேரியர் ரீப்பில் ஏற்பட்ட வெடிப்பு மற்றும் இப்பகுதியில் உருவாகும் ஒரு புதிய தொற்றுநோய் போன்ற தொடர் நிகழ்வுகளையும் கிரேக் குறிப்பிட்டுள்ளார். “2024 இல் இல்லை, ஆனால் எதிர்காலத்தில் மற்றொரு தொற்றுநோய் எழுவதை நான் காண்கிறேன், ஆஸ்திரேலியாவுக்கு வெளியே, இது ஒருவித பாக்டீரியா தொற்று, இது கோவிட் போல தீவிரமானதாக இருக்காது. உலகம் நோயை வெல்லும்.” என்று கணித்துள்ளார்.
