தமிழக காவல் துறையின் ஆயுதப் படை உதவி ஆய்வாளர்களாக இருக்கும் முத்துக்குமரன், பார்த்திபன், ரமேஷ், வெங்கடேஷ் ஆகியோர் சட்டம்- ஒழுங்கு பிரிவுக்கு மாற்றக் கோரிய வழக்கை நீதிபதி தள்ளுபடி செய்தார்.
மனுதாரர்களுக்கு 40 வயதுக்கு மேல் ஆனதால், மேலும் மூவரும் துறை ரீதியான நடவடிக்கைகளை எதிர்கொண்டதாலும் அவர்களை சட்டம்- ஒழுங்கு பிரிவுக்கு மாற்ற முடியாது என்று அரசு தரப்பில் தெரிவிக்கப்பட்டது. சட்டம் – ஒழுங்கு பிரிவு போலீசார், போலீஸ் ஸ்டேஷனிலேயே மாமூல் வாங்குவதாக குற்றச்சாட்டு இருக்கிறது.
சட்டம் – ஒழுங்கு பிரிவை கட்டுப்பாட்டுடன் வைத்திருப்பது உயரதிகாரிகளின் பொறுப்பு என்று ஐகோர்ட் உத்தரவிட்டது. சமீப காலங்களில் குற்றம் நடைபெறாமல் தடுப்பது குறைந்துவிட்டதாக வேதனை தெரிவித்த நீதிபதி, நேர்மையானவர்களையும், ஒழுக்கமானவர்களையும் சட்டம் – ஒழுங்கு பிரிவில் நியமிப்பதை உறுதி செய்ய வேண்டும் என தமிழக டிஜிபிக்கு உத்தரவிட்டார்.
