நாட்டின் சில பகுதிகளில் கொரோனா பாதிப்பு அதிகரித்து வருவதால், போதுமான பரிசோதனையை உறுதி செய்யவும், தடுப்பூசி செலுத்தும் வேகத்தை அதிகரிக்கவும், 6 மாநிலங்களை மத்திய அரசு கேட்டுக் கொண்டுள்ளது. டெல்லி, கேரளா, கர்நாடகா, மகாராஷ்டிரா, ஒடிசா, தமிழ்நாடு மற்றும் தெலுங்கானா ஆகிய மாநிலங்களுக்கு மத்திய சுகாதாரத் துறை செயலாளர் ராஜேஷ் பூஷன் கடிதம் எழுதியுள்ளார்.. அந்த கடிதத்தில், நாட்டின் பல்வேறு பகுதிகளில் நடைபெறவிருக்கும் திருவிழாக்கள் மற்றும் வெகுஜன கூட்டங்களால் கொரோனா வேகமாக பரவக்கூடும் என்று எச்சரித்துள்ளார்..
ஆர்டி-பிசிஆர் மற்றும் ஆன்டிஜென் சோதனைகளின் பரிந்துரைக்கப்பட்ட அளவில் மேற்கொள்ள வேண்டும் என்றும், அதே வேளையில், மாநிலத்தின் அனைத்து மாவட்டங்களிலும் போதுமான சோதனைகள் மேற்கொள்ளப்படுவதை உறுதி செய்வது மிகவும் முக்கியமானது என்றும் தெரிவித்துள்ளார்..
நோய்த்தொற்று மேலும் பரவுவதைத் தடுக்கவும், பாதிப்பை திறம்பட நிர்வகிக்கவும் அதிக நேர்மறை விகிதங்கள் மற்றும் கிளஸ்டர்களை ஏற்படுத்தும் மாவட்டங்களை அரசு உன்னிப்பாகக் கண்காணிக்க வேண்டும் என்றும் அவர் வலியுறுத்தி உள்ளார்..
மத்திய சுகாதாரம் மற்றும் குடும்ப நல அமைச்சகம் பகிர்ந்துள்ள கொரோனாவுக்கான திருத்தப்பட்ட கண்காணிப்பு உத்தியை திறம்பட கடைப்பிடிப்பதை உறுதி செய்யுமாறு அவர் மாநிலங்களைக் கேட்டுக்கொண்டார். சர்வதேச பயணிகளின் பரிந்துரைக்கப்பட்ட மாதிரிகளின் மரபணு வரிசைமுறை மற்றும் புதிய கொரோனா பாதிப்பு எண்ணிக்கையின் உள்ளூர் கிளஸ்டர் சேகரிப்பு ஆகியவை முக்கியம் எனவும் அவர் தெரிவித்துள்ளார்.. சோதனை-கண்காணிப்பு-சிகிச்சை- தடுப்பூசி மற்றும் கொரோனா வழிகாட்டு நெறிமுறைகளை கடைபிடித்தல் ஆகிய ஐந்து மடங்கு உத்தியை விடாமுயற்சியுடன் பின்பற்றுமாறு மாநிலங்களுக்கு அறிவுறுத்தி உள்ளார்..
