இந்து சாஸ்திரத்தில் பல்வேறு நம்பிக்கைகள் உள்ளன. சில விஷயங்களை பார்த்தால் நல்ல சகுனம் என்றும் சில விஷயங்களை பார்ப்பது கெட்ட சகுனம் என்று நம்பப்படுகிறது. பலரும் தங்கள் அன்றாட வேலைகளை தொடங்கும் முன்பு சகுனம் பார்ப்பதை வழக்கமாக கொண்டிருக்கின்றனர்.
அந்த வகையில் பூனைகள் குறுக்கே சென்றால் அது கெட்ட சகுனம் என்று நம்பப்படுகிறது. அதே போல் ஆந்தைகள் நம் கண்ணில் தென்பட்டால் அது கெட்ட சகுனமாக பார்க்கப்படுகிறது. அதே நேரம் போகும் வழியில் கிளி அல்லது பசுமாடு ஆகியவற்றை பார்ப்பது நல்ல சகுனமாக பார்க்கப்படுகிறது.
சரி, சாலையில் கிடக்கும் தங்கம் அல்லது பணத்தை எடுப்பது நல்ல அதிர்ஷ்டத்தைத் தருமா அல்லது கெட்டதா என்று யோசித்திருக்கிறீர்களா? வேத சாஸ்திரங்கள் மற்றும் ஜோதிடத்தில் இதுகுறித்து என்ன கூறப்பட்டுள்ளது? சாலையில் தங்கம் அல்லது பணத்தை பார்த்தால், அதனை எடுக்கலாமா? அதன் பின்னணியில் உள்ள ஆன்மீக முக்கியத்துவம் பற்றி தெரிந்துகொள்வோம்.
ஜோதிடத்தின் படி, தங்கத்தை இழப்பதும், கண்டுபிடிப்பதும் மிகவும் கெட்ட சகுனமாக கருதப்படுகிறது. தங்கம் குரு பகவானுடன் தொடர்புடையது. எனவே சாலையில் செல்லும் தங்கத்தை பார்ப்பது, எதிர்மறையான தாக்கத்தை கொண்டு வருவதாக நம்பப்படுகிறது.
சாலையில் கிடக்கும் தங்கத்தை எடுப்பது உங்கள் வாழ்க்கையில் பாதகமான விளைவுகளை ஏற்படுத்தும். குறிப்பாக உங்கள் ஜாதகத்தில் வியாழனின் நிலை ஏற்கனவே பலவீனமாக இருந்தால், இந்த செயல் பிரச்சனைகள் மற்றும் துரதிர்ஷ்டங்களை அதிகரிக்கும்.
எனவே எதிர்மறையான விளைவுகளைத் தவிர்க்க, சாலையில் காணப்படும் தங்கத்தை ஒருபோதும் எடுக்க வேண்டாம் என்று அறிவுறுத்தப்படுகிறது.
நாணயங்கள்: சாலையில் நாணயங்களைக் கண்டுபிடிப்பது வரவிருக்கும் நிதி வளர்ச்சியின் அடையாளமாகக் கருதப்படுகிறது. உங்களின் பொருளாதார பிரச்சனைகள் முடிவுக்கு வரப் போவதையும், லட்சுமி தேவியின் ஆசீர்வாதங்கள் அவர்களின் வழியில் இருப்பதையும் இது குறிக்கிறது.
ரூபாய் நோட்டுகள்: சாலையில் ரூபாய் நோட்டுகளை பார்ப்பது நல்ல சகுனமாகவே பார்க்கப்படுகிறது. இது ஆரோக்கியத்தில் முன்னேற்றம் மற்றும் வாழ்க்கையில் உள்ள தடைகள் நீங்குவதைக் குறிக்கிறது. இது செழிப்பு மற்றும் நல்ல அதிர்ஷ்டத்தை குறிக்கிறது.
எனவே சாலையில் கிடக்கும் பணத்தை பார்த்தால், அதை எடுத்து நீங்கள் வைத்துக் கொள்வதை விட, ஏழைகளுக்கு தானம் செய்வதே சிறந்த நடைமுறையாகும். இது லட்சுமி தேவியின் ஆசீர்வாதத்தை பலப்படுத்துவதுடன், உங்கள் வாழ்க்கையில் நேர்மறை ஆற்றலைக் கொண்டு வரும் என்று நம்பப்படுகிறது.
இந்த வாஸ்து மற்றும் ஜோதிட நம்பிக்கைகளைப் புரிந்துகொள்வதன் மூலம், இதுபோன்ற சூழ்நிலைகளை எதிர்கொள்ளும்போது நீங்கள் சிறந்த முடிவுகளை எடுக்கலாம் என்றும் நேர்மறையான ஆற்றல்களுடன் உங்களை இணைத்துக் கொள்ளலாம் என்றும் ஜோதிட நிபுணர்கள் தெரிவிக்கின்றனர்.
Read More : கழுத்தை நெரிக்கும் கடன் தொல்லை!. உங்க வீட்டின் தெற்கு திசையில் இதை மட்டும் செய்யுங்கள்!. வாஸ்து விவரம் இதோ!
