நாடு முழுவதும் நாடாளுமன்றத் தேர்தல் வேலைகள் வேகம்பிடித்து வருகின்றன. தமிழ்நாட்டில் ஒரே கட்டமாக ஏப்ரல் 19ஆம் தேதி வாக்குப்பதிவு நடைபெறவுள்ளது. தமிழகத்தை பொறுத்தவரை இங்கு 4 முனைப் போட்டி நிலவுகிறது. பெரும்பாலும் கூட்டணிகளின் தொகுதிப்பங்கீடுகள் முடிந்து வேட்பாளர்களும் அறிவிக்கப்பட்டுவிட்டனர்.
இந்திய யூனியன் முஸ்லிம் லீக் கட்சிக்கு ராமநாதபுரம் தொகுதியில் ஏணி சின்னத்தை இந்திய தேர்தல் ஆணையம் ஒதுக்கீடு செய்துள்ளது. திமுக கூட்டணியில் இந்த முறையும் ஐயூஎம்எல் கட்சிக்கு ராமநாதபுரம் தொகுதி ஒதுக்கப்பட்டுள்ள நிலையில், அந்த கட்சிக்கு ஏணி சின்னம் வழங்கப்பட்டுள்ளது. எம்பி நவாஸ்கனி இந்த முறையும் போட்டியிடுகிறார். அவரை ஆதரித்து திமுக தலைவரும் முதல்வருமான முக.ஸ்டாலின், அமைச்சர்கள் மற்றும் கூட்டணி கட்சியினர் பரப்புரை மேற்கொள்ள உள்ளனர்.
