ஜம்மு -காஷ்மீரின் கிஷ்த்வாரில் இன்று அதிகாலை லேசான நில அதிர்வு உணரப்பட்டது. இது ரிக்டர் அளவுகோலில் 3.7 ஆக பதிவாகியுள்ளது.
ஜம்மு – காஷ்மீர் மாநிலம் கிஷ்த்வார் மாவட்டத்தில் (செவ்வாய்)அதிகாலை 1:10 மணியளவில் லேசான நில அதிர்வு உணரப்பட்டதாகவும், 5 கிலோ மீட்டர் ஆழத்தில் ஏற்பட்ட நிலநடுக்கம் ரிக்டர் அளவில் 3.7 ஆக பதிவாகியுள்ளதாகவும் தேசிய நில அதிர்வு ஆய்வு மையம் (NCS) தனது எக்ஸ் தளத்தில் உறுதி செய்துள்ளது.
இதேபோல், அதிகாலை 4:33 மணியளவில் லடாக்கின் லே பகுதியில் ரிக்டர் அளவுகோலில் 4.5 என்ற அளவில் நிலநடுக்கம் ஏற்பட்டுள்ளதாகவும் தெரிவிக்கப்பட்டுள்ளது. இதனால், மக்கள் அச்சத்தில் உள்ளனர். நில அதிர்வால் ஏற்பட்ட சேதம் குறித்த தகவல்கள் ஏதும் வெளியாகவில்லை.
