மிகக் குறைந்த விலையில் ஜியோ லேப்டாப் விரைவில் அறிமுகப்படுத்தப்பட உள்ளதாக ஜியோ நிறுவனம் தகவல் வெளியிட்டுள்ளது.
ரிலையன்ஸ் ஜியோ நிறுவனம் மிகக் குறைந்த விலையில் 4 ஜி ஜியோ ஸ்மார்ட் போன் வெளியிட்டது. இதுமிகப்பெரிய அளவில் வெற்றி பெற்றது. இதனிடையே அடுத்த திட்டமாக ரூ.15000 மதிப்பில் பிரத்யேக ஜியோ ஓ.எஸ்.உடன் மடிக்கணினி அறிமுகப்படுத்தப்பட உள்ளது.
முகேஷ் அம்பானியின் ரிலையன்ஸ் ஜி யோ நிறுவனம் உலக நிறுவனங்களான குவால்காம் மைக்ரோசாப்ட் போன்ற நிறுவனங்களுடன் ஒப்பந்தம் மேற்கொண்டு உள்ளது. இந்த மாதம் பள்ளி மாணவர்கள் மற்றும் அரசுத்துறை நிறுவனங்களுக்கு மடிக்கணினிகள் விற்பனை செய்யப்படும். அடுத்த மூன்று மாதங்களில் வாடிக்கையாளர்கள் மிகக் குறைந்த விலையில் மடிக்கணினி வாங்கிக் கொள்ளலாம்.
இதைத் தொடர்ந்து ஜியோ 5 ஜி போன் அறிமுகப்படுத்தப்பட உள்ளதாக கூறப்படுகின்றது. ஜியோ புக் உள்நாட்டிலேயே ஒப்பந்த உற்பத்தியாளர்கள் மூலம் தயாரிக்கப்போகின்றது என்ற தகவலும் வெளியிடப்பட்டுள்ளது. ஐ.டி.சி. தரவுகள் படி இந்தியாவில் ஒட்டு மொத்த கணினி ஏற்றுமதி கடந்த ஆண்டு 14.8 மில்லியன் யூனிட்டுகளாக இருந்தது என்பது குறிப்பிடத்தக்கது.
